Kaetieti ibukiia Ataei ake a Riki irouia Karo ae a LGBT, Membwa ae a Mare Imarenaia ni Mwaane ao n Aine

Kaaro ake a kinaia bwa tenaan retibian, keei, bwaaitiekitiuo, ke koraki ake a bitaki aia tabo ni kariki, a kona ngkai ni bubuti bwa a na kona ni kakabwaiaki natiia inanon uarerekeia iroun ae kaain te nakoanibonga ae te Merekitereka, ao a kona naba natiia ni bwabetitoaki imwiin koron waniua aia ririki n akea ana kariaia te Moan Beretitentii, Beretitenti Dallin H. Oaks, te Moan Kauntira n te Moan Beretitentii, e katanoata n tain te tetere n te kairiiri n te maungatabu.

N raonaki ma anne, e ngae ngke te mare i bon imarenan te mwaane ma te mwaane ao te aine ma te aine e teimatoa n aranaki bwa “uruakan te tua ae korakora,” te Ekaretia e nang aki manreireia n atongnga bwa “kitanan te koaua” ibukin oin ana kantaninga te Ekaretia ibukin te boaaki. “Aroaro aika a buakaka n te wenenibure ni kaitaatann ao te wenenibure imarenan temwaane ma temwaane e na taraaki naba n te aro anne,” e taku Beretitenti Oaks.

Bitakin kaetieti aikai “aki tei ibukin bitakin ana reirei te Ekaretia n kaeineti ma te mare ke ana tua te Atua ni kaeineti ma te itiaki ke aroaro,” a koreia te Moan Beretitenti inanon te katanoata ae kinaaki. “Te reirei ibukin te babaire ni kamaiu ao kakawakin te itiaki e aki bitaki.”

E taku Beretitenti Oak bwa kaetieti a buokaki iai utu ake a rootaki, ao, “n raonaki ma anne, aia konabwa ara membwa e kaota te atatai ae mwaiti, te nanoanga ao te tangira e na karikirakea te karinerine ao ao te ota ibuakoia aomata ibukin te akoi n tangira .”