Rongorongo ibukiia Mitinare

Reitaki ma te mweenga. A kariaiakaki ngkai mitinare bwa a na reitaki ma aia utu ni katoa wiiki n aia bong ni katauraoi rinanon te text, ni bwaai n reitaki n te intanete, tareboon, ao video chat n raonaki ma aia reta ao aia imeeri.

Bwaai ni mwakuri ibukiia mitinare ake a tauraoi. Bwaai ni mwakuri ibukin katauraoi aika a boou man Ana Bootakini Mwakuri te Ekaretia Ibukiia Mitinare e kona ni buokiia mitinare ake a tauraoi bwa a na iangoraoi riki ao n taratara raoi ni bairea aia tai are a na tauraoi raoi iai ni beku ibukin te Uea bwa mitinare.

Beku n te Mition. Man Tianuare 2019, kairake -mitinare aika Ibuobuoki n te Ekaretia a weteaki bwa “mitinare aika ibuobuoki.” Ni kabane kairake n ikawai ake a kan beku bwa mitinare a karaoa naba anne n te kawai naba anne—ngkana ibukin te mition are e tauraoi ke te beku n te mition—roko mairoun te burabeti. Kairake n ikawai ake a tau a kona n aki beku ni bukina aika a kakaokoro ma a kona ni weteaki bwa a na ibuobuoki n te mition.

Mitinare Aine a kona ni kabonganai kawaerake. Titita a kona ni kabonganai kawaerake n aia waaki ni katoabong, e ngae ngke tititati a riai n reitinako ni kabonganai kunnikai ke kamumun ngkana a nakon te tembora ao n tain te taromauri n te Tabati, te maungatabu ibukiia mitinare ao ibukiia mitinare aika taan kairiiri, te bwabetito, ao n tain te taromauri n te Tabati, maungatabu ibukiia mitinare ao ibukiia mitinare aika taan kairiiri, te bwabetito, ao n taian taromauri n aia tabo ni kataneiai mitinare. Kabonganaakin kawaerake e kona ni buoka katanaia tititati man aorakin te maninnara, kaabueia tititati n tain te mwaitoro, ao ni kabebetea ibukiia tititati bwa a na kona ni bwatika.

Manga katean tian taian mition. Aua mition aika a boou a tia ni kateaki, ao tebwi ma uoua mition a na rin inanon mition ake a kaman tei. Bitaki akanne a kona n riki n te tai teuana ma teuana bwa e aonga n angaraoi ma mwaitiia mitinare ake a beku. Mition aika a boou bon Democratic Republic of the Congo Kinshasa East, Guatemala Antigua, Peru Limatambo, ao Philippines Antipolo. Aia karo mitinare ake a beku n mition ake a rootaki—a kona ni kateaki ke a kamaunaaki—a na karekei rongorongo aika a raka mairouia beretitenti n aia mition.

Bibitakin mwaitin aia tienta ni kataneiai mitinare. Ibukin katamaroan kabonganaakin aia tienta ni kataneiai mitinare n te aonaaba, tienta a kainaki i Argentina, Spain, Chile, ao te Dominican Republic. Ni kainakin aikai, te Ekaretia e kauki 11 tienta ni kataneiaki ibukiia mitinare, n taabo aika Brazil; Colombia; England; Ghana; Guatemala; Mexico; New Zealand; Peru; Philippines; Provo, Utah, USA; ao South Africa.

Witeo ibukin Kamanomano. Te tieriiti ae boou ae 12-mwakorona The SafetZone e karaoaki ibukin karakaan ao kamanoaia 65,000 mitinare ake a Bwanin aia Tai n te tai aei ao ake a na beku rimwi. Te moan witeo are e karaoaki e na matakuakinaki irouia mitinare ake a tauraoi ma aia karo imwiin karekean te wewete nakon te mition ao imwain rokoia mitinare n aia tabo ni kataneiai mitinare. N te MTC, mitinare a na manga matakuakina te moan witeo n raonaki irouia ake tabeman aika 11. Ni katoa tai te kauring ibukin kamanoakiia a na anganaki naba mitinare n tabo nako n aia mition.