Abril 2019 nga Kinatibuk-ang Komperensya

Panimalay, usa ka Langitnon nga Dapit

“Kami nanghinaut ug nag-ampo nga ang matag panimalay sa mga miyembro mahimong tinuod nga dangpanan sa hugot nga pagtuo, diin ang Espiritu sa Ginoo mahimong mopuyo. Bisan pa man sa panagbingkil sa tanan natong palibut, ang panimalay mahimong usa ka langitnong dapit, diin ang pagtuon, pag-ampo, ug hugot nga pagtuo mahimong mahiusa uban ang gugma.”

Presidente Russell M. Nelson, “Panapos nga Pakigpulong,” Liahona, Mayo 2019, 111.

Pagdalit sa Kinatibuk-ang Komperensya alang sa Gabii sa Panimalay

Kanunay nakong gibati nga kinahanglan nakong paningkamutan ang paggamit sa mga pakigpulong sa komperensya alang sa mga leksyon sa gabii sa pamilya. Sa sinugdanan midumili ko. Ang akong mga anak bata pa, ang mga pakigpulong lisod nilang masabtan, ug dili ko sigurado kon aduna bay mga hilisgutan nga daling sabton sa mga bata. Apan nasayud ako nga maayo gyud nga akong sulayan.

Ang paggamit sa mga pakigpulong sa kinatibuk-ang komperensya dili lang basta hingpit nga miusab sa among mga gabii sa panimalay alang sa akong mga anak, apan nakaangkon kami og talagsaong mga diskusyon sa ebanghelyo. Taliwala sa mga kasamok, adunay ginagmay nga mga milagrusong higayon sa kalipay sa pamilya.

Jessie Christensen, Utah, USA

Mahimo kamong mopaambit sa inyong kasinatian sa kinatibuk-ang komperensya pinaagi sa pagsumiter niini sa liahona.ChurchofJesusChrist.org o sa facebook.com/liahona.

“Ginagmay nga buhat sa pagtuo gikinahanglan aron mahitabo ang mga saad sa Dios.”

Elder Dale G. Renlund sa Korum sa Napulog Duha ka mga Apostoles, “Magamadagayaon [Buhong] sa mga Panalangin,” Liahona, Mayo. 2019, 71.

Nakasentro sa Panimalay, Gisuportahan sa Simbahan nga mga Sangtwaryo

Hulagway sa luyo [background] ug mga paghulagway gikan sa Getty Images

Daghan sa atong mga lider namulong mahitungod sa pagpalig-on sa atong mga panimalay, ilabi na sa bag-o nga gihatagan og gibug-aton nga nakasentro sa panimalay, gisuportahan sa Simbahan nga pagtuon sa ebanghelyo. Makakat-on kamo og dugang mahitungod sa:

Mas kanunayon ang pagdapit sa Espiritu sulod sa inyong panimalay (tan-awa sa Henry B. Eyring, “Usa ka Panimalay Diin ang Espiritu sa Ginoo Mopuyo,” Liahona, Mayo 2019, 22).
Himoon ang inyong panimalay nga mao ang pinaka-missionary training center, family history center, ug klase sa temple preparation (tan-awa sa David A. Bednar, “Andam nga Makaangkon sa Matag Gikinahanglan nga Butang,” Liahona, Mayo 2019, 101)
Maggamit sa kurikulum ug panahon uban sa inyong pamilya aron sa pagtabang sa “pagpalig-on sa atong pagkakabig ug pagtabang kanato nga mahimong mas mahisama pa kang Jesukristo” (tan-awa sa Ronald A. Rasband, “Magtukod og Kuta sa Pagkaespirituhanon ug Proteksyon,” Liahona, Mayo 2019, 107).