Family History, Tagsa-tagsa nga Lakang
Hi, ako si Mei.
Akong nakit-an kini nga litrato sa karaan nga kahon. Sa luyo, akong nakita ang ngalan nga Fumiko.
Ang akong mama miingon nga usa kini ka litrato sa apohan sa akong apohan nga si Fumiko. Gusto nako nga masayud pa mahitungod kaniya.
Mitan-aw kami og balik sa kahon ug nakakita og karaan nga sulat nga gisulat ni Fumiko ug dugang nga mga litrato. Makalingaw nga magkat-on kabahin niya.
Miadto kami sa FamilySearch.org ug gidugang si Fumiko sa among family tree. Gibutang namo ang iyang birthday ug ang petsa sa dihang siya ug ang iyang bana, si Hiroshi, nagminyo.
Gidugang usab namo ang mga litrato ni Fumiko. Karon kon ang mga litrato mawala o madaut, ang akong pamilya kanunay nga makakuha og kopya diha sa internet.
Si Fumiko wala gayud mabunyagan sa dihang buhi pa siya, apan karon sakto na ang akong edad nga moadto sa templo aron magpabunyag alang kaniya.
Mihimo kami og kopya sa ngalan ug impormasyon ni Fumiko. Dayon miadto kami sa templo ug nabunyagan ko alang kaniya!
Sa dihang nauli ko, misulat ako mahitungod niini diha sa akong journal. Sa sunod nga kinabuhi manghinaut ko nga mahimamat ang akong Lola sa tuhod nga si Fumiko. Gusto ko nga padayong magkat-on mahitungod kaniya ug mahitungod sa akong tibuok pamilya!