Mga Apostoles sa tibuok Kalibutan
Si Elder Rasband Mibisita sa Cape Verde
Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.
Si Elder Ronald A. Rasband ug ang iyang asawa, si Sister Melanie Rasband, mibisita sa Cape Verde. Usa kini ka matahum nga nasud nga gilangkuban sa 10 ka mga isla unahan sa baybayon sa Africa.
Si Elder Rasband mibisita og eskwelahan para sa gagmayng mga bata. Daghan sa mga bata ang walay mga ginikanan nga makaatiman kanila. Naglinya sila aron molamano sa iyang kamot. Si Elder Rasband ganahan niana. Siya ug si Sister Rasband adunay 27 ka apo!
Mibisita usab sila og usa ka umahan. Ang mga miyembro sa Simbahan nagkat-on sa pagbuhi og mga baboy ug ubang mga hayop didto aron makasuporta sila sa ilang mga pamilya.
Ang mga tawo naghinam-hinam nga makadungog ni Elder Rasband nga mamulong. Mao kadto ang unang higayon nga mibisita sa ilang nasud ang usa ka Apostol!
“Ang Dios nahigugma kaninyo. Ang Manluluwas nahigugma kaninyo.”
—Elder Ronald A. Rasband
Makatabang Usab Kita!
Ang Simbahan mihatag og kwarta aron sa pagtabang sa eskwelahan sa mga bata nga gibisita ni Elder Rasband. Ania ang paagi kon unsaon nimo sa pagpaambit sa imong kwarta ngadto sa mga bata nga sama kanila!
-
Kon mobayad ka sa imong ikapulo, dugangi og sobra nga kwarta diha sa sobre.
-
Isulat ang sobra nga kantidad diha sa linya nga nag-ingon “Makatawhanon nga tabang [Humanitarian aid].”
-
Isilyo ang sobre ug ihatag kini ngadto sa imong bishop o branch president.
-
Ang imong kwarta makatabang sa mga tawo sa tibuok kalibutan sa daghang paagi!
Upat ka bata midonar og kwarta ngadto sa Church Humanitarian Aid Fund. Sunda ang mga porma subay sa dalan aron makita kon unsay gigamitan sa kwarta sa matag bata.
-
Mga eskwelahan
-
Pagkaon ug medisina
-
Mga wheelchair
-
Hinabang human sa mga baha o mga linog