Gikan sa Unang Kapangulohan
Tulo ka Paagi aron Makasinabut ang Uban
Ni Presidente Russell M. Nelson
Gipahaum gikan sa “Blessed are the Peacemakers,” Liahona, Nob. 2002, 39–42.
Si Jesus mitudlo sa mga tawo unsaon nga magkasinabtanay sa usag usa.
Paagi #1: Higugmaa ang mga tawo.
Mihatag si Jesus sa duha ka dagko nga mga sugo: una, “higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan” (Mateo 22:37), ug ikaduha, “higugmaa ang imong silingan sama sa imong kaugalingon” (Mateo 22:39).
Ang mga sugo sa paghigugma sa Dios ug sa paghigugma sa atong mga silingan magkauban. Ang mga tawo tinud-anay nga managsoon tungod kay ang Dios tinuod gayud nga atong Amahan.
Paagi #2: Pasayloa sila.
Si Jesus mitudlo kanato sa pagpasaylo sa tanan, “aron ang inyong Amahan nga anaa sa langit mopasaylo usab kaninyo” (Marcos 11:25).
Paagi #3: Itratar sila sa paagi nga gusto nimong matratar.
Si Jesus mitudlo sa Bulawanong Lagda: “Buhati ang mga tawo sa bisan unsay buot ninyo nga ilang pagabuhaton kaninyo” (Mateo 7:12).
Sayon sabton nganong kinahanglan kitang motratar sa uban sa paagi nga gusto natong matratar. Tungod kini kay ang matag anak nga lalaki ug anak nga babaye sa Dios bililhon (tan-awa sa Mateo 25:40).
Pagsunod sa Bulawanong Lagda
Pila ka mga sinsilyo ang imong makita? Kolori kini og bulaw o dalag.