Hello gikan sa Russia!
Hi, kami si Paolo ug Margo.
Kuyugi kami samtang bisitahon namo ang Russia!
Ang Russia mao ang labing dako nga nasud sa kalibutan! Mitabok kini sa duha ka kontinente: Europe ug Asia. Ang nasudnong hayop sa Russia mao ang brown nga uso.
Ang Russian nga alpabeto naggamit og mga titik nga Cyrillic. Ania ang karatula sa usa ka gambalay sa Simbahan sa Russia ug ang Basahon ni Mormon sa Russia.
Mao kini ang Saint Basil’s Cathedral, usa sa labing inila nga mga dapit sa Russia. Daghang tawo sa Russia sakop sa Simbahang Russian Orthodox. Mga Kristiyano sila, nga nagpasabut nga motuo sila kang Jesukristo, sama kanato!
Sa Russia, ang unang adlaw sa eskwela gitawag og Adlaw sa Kahibalo. Ang mga bata manganta, manayaw, ug magdala og mga bulak sa ilang magtutudlo.
Kinaham kaayo ang sabaw sa Russia! Kining batang lalaki nagkaon og sinabwan nga repolyo nga gitawag og shchi.
Si Presidente Nelson mipahibalo sa miaging tuig nga usa ka templo ang pagatukuron diha sa Russia. Ang mga miyembro sa Simbahan sa Russia nalipay pag-ayo! Mao kini ang labing unang templo nianang dakong nasud.
Salamat sa pagsuroy sa Russia uban kanamo. Magkita-kita ta sa sunod higayon!