Itulau o le lotoifale
Pathway Connect
O Le Auala i se Olaga o le Aoaoina
I le 2016 na faia ai ni ma faufautuaga ma lou toalua mo faaipoipoga. Na ou le toe auai i le lotu i lena taimi ma sa ou manao i se teteaga. Na valaaulia i maua e le ma faufautua e fai faatasi le Pathway Connect. Ona o se polokalama o le aoaoina e faatotonugalemu i le talalelei, sa ia lagona o le faia faatasi o lenei mea o le a fesoasoani e gotouga ifo aoaoga faavae o le talalelei i totonu o o ma loto.
O lo’u manatu o le, “oi leai, e le manaomia se isi polokalama o le ekalesia,” ae peitai sa ou manao lava e faalautele lou aotauina o lea na ou fai atu ai o le a ou taumafai i ai.
Ma te le’i toe autilo lava i tua!
Na fesoasoani le Pathway e faasaoina lau faaipoipoga, lagolagoina au i lou auala e toefoi mai i le ekalesia ma faatulaga au i lou agai atu i le olaga umi o le aotauina.
O le aotauina o loo i ai le mana e gausia ai taamilosaga. Na ou ola ae i se tasi o nofoaga e sili ona le lelei faaagafesootai i Sini. Na siomia au e augatupulaga o le mativa, leai o se faamoemoe ma mea uma e o faatasi ai. O le faamaeaina o le pathway na fesoasoani ia te au e iloa ai o lou tiutetauave e tulitulimatagauina le tele o le aotauina e mafai ona ou faia mo le isi augatupulaga.
Lea faatoa ou amataina lau semesa muamua i le BYU-Idaho (i luga o le initoneti). O loo ou faia i le taimi nei se tikeri o le tagata malaga i mea tau pulega ma o lou sini autu ina ia mafai ona amata ma fai se maua lava pisinisi i se aso, faatasi ai ma lou toalua.
E moni lava o le Pathway e mo tagata uma! Ou te lei aoga aloaia lelei mo le 20 tausaga ina ua ou amata, o lea e moni sa ou maua le tele o le masalosalo e faatoilalo, ae sa ou lagona foi le aao taiala a lou Faaola o Iesu Keriso, i laasaga uma o le ala.
Ao ou aoga pea i le Pathway Connect, na i ai se matafaioi na avanoa i lau galuega. O se matafaioi na ou manao lava i ai ae ina ua ou iloaina e manaomia ai se tikeri faaleiunivesite, na ou iloaina e leai sou avanoa. Na ou aveesea mai lou mafaufau i le taimi muamua ae na manino le musuia o au e le Agaga Paia e apalai pea. Na ou lagona le maasiasi e apalai aua na ou iloa isi tagata apalai ma iloa le tele o le aotauina na latou maua. Na faateia au ina ou maua se faatalanoaga, ae sa ou manatu pea e leai sou avanoa. Na matuai ou popole lava ao lei faia lou faatalanoaga lea na ou filifili ai e tatalo. Ina ua ou faia, na lofituina au i se lagona o le toafilemu ma le alofa, ma sa ou faalogo o faapea mai le agaga:
“Ia manatua lou taua, o oe o se afafine o le Atua.”
Na iu lava ina ou maua le galuega, ae o lena faamanuiaga sa o se [faamanuiaga] lona lua i le molimau na ou mauaina i lena aso e uiga i le alofa o Iesu Keriso ma Lona mana e le i’u.