Iesu e Tangiriia Ara Ataei

I kabanea te tai ae mwaiti n iangoia ataei. I tangiriia ataei n au utu ao raoraou. I rarikin anne, au mwakuri ma ana maekatiin te Ekaretia e irekereke ma karaoakin ao rinanoan iteraniba ibukiia ataei n te aonaaba. Ma tabeua ririki aika nako, I kunea bwa I tuai man n reiakina te bwai ae a reiakinna koroboki aika tabu ibukiia ataei. Ngaia ae I baireia bwa n na wareka te Nu Tetemanti ao Ana Boki Moomon ao ni kabanea au tai riki nakon te bwai ae I kona n reiakinna ibukin te kurubu ae onoti aei.

Bon te waaki ni kakukurei ae bita te maiu! Mai ibuakon koaua aika mwaiti aika I kunei, te kabanea ni kakawaki bon rikiraken atakina bwa e kanga Iesu n tabeakiniia ataei. E ibuobuoki nakoia ataei bwa te kurubu ae onoti, e kaokoroa mairouia tabeman, n te tai ae okioki. Ti na kanga ni kona ni ira Ana katooto?

Au koroboki iaon te iteraniba 18 e tibwauai tabeua reirei aika I karekei man te taneiai ni kamatebwai man koroboki aika tabu, n ikotaki ma iango ao iango mairouia taan rabakau iaon katokakin te mwakuri n iowawa.

A rangin ni kakawaki ataei. Au kaantaninga bwa ti kona ni uaia ni mwakuri n totokoa ao ni kakorakoraia, n tabeakiniia n aron are e na karaoia Iesu!

Ma te tangira,

Marissa Widdison