Raoraou Aika Tibwaua Te Ota ma Ngai

Iroun Mariana M. Lara

E maeka te tia korokaraki te aba ae Baja California, Mexico.

I namakina te maaku ao te maroa. Imwiina I mwaing nakon te aba teuana ao n nakon te taromauri ai tibwa te moan tai n te tai ae maan.

I maeka ma tinau n te kaawa ae uarereke i Mexico te tabo are a bane kaaina ni kinaiaia. I ataa te eti man te bure, ma I nanououa ao ti temanna te ataeinnaine ae kakaonimaki n te kaawa anne.

I tangiria ni kan warekaki i buakoia, ngaia are I karaoa te bwai teuana ae riai n te tai anne: karekea raou te ataeinimwaane. Ti aio te moan ni kairua ae I moanna ni karekea. E a moanna n anaaki nanou irouia raoraou ao n onimakinna ae I a ikawai n iango bon ibukiu, are nanona te riki bwa te ataeinnaine ae aki kakaonimaki ae ni maeka n akea ana kairoro te euangkerio.

I maeka n te rootongitong inanon teuana te ririki, ma ni mena inanon te rootongitong ni katoa bong. Au babaire ae kairua e karika te kauntaeka ma au utu, ao I kunea bwa I aki kona ni maeka ma ngaia. Ma e aki riki ni karokoa maten raoraou ae kain te aro aika Itiaki ni Boong Aika Kaitira ae I rangin ni kinaa ngke I kunea te bwai teuana ae bua. Ma, I bukina te Atua ao te euangkerio. I katoka kakoauaan ae a roko kakabwaia man te ongotaeka. I ataia bwa ngkana I moanna n aki kakoaua te euangkerio, n na reitinako ni mwaninga au reitaki ma te Ekaretia ao ni waaki nako ni maeka ni katein te aonaaba.

I tekateka iaon au kainiwene n te ruu ae rootongitong, n tang ao n nanokawaki ibukiu ngke I kunea bwa I maaku—ni maaku ni mena ikekei n ti ngai n akea ae n na taetae nakoina, ni maaku ibukin au aki kona ni kaetii kairua aika I a tia ni karaoi, ni maaku bwa akea ae na kabwarai au bure, bwa ti te Atua.

N te tai ae aki maan, I mwaing nako Minnesota, USA, ma tibu, aika tiaki kaain te Ekaretia. Ai tamau I kiba ma ngaia, ao au moan n Tabati ikekei, ti nako n taromauri, ma ti ibukin te bootaki n toa. Ma ni banen te bootaki I a kaman tia ni baireia bwa n na kitana te Ekaretia, ma te kubanako ngai, ngke ti nang nakon te kaa, ti noria te bitiobi ni biri n taetae ma ngaira. E titirakiniira tabeua titiraki ao ni kaoira bwa ti na oki n te Tabati ae na roko—ao ti karaoia.

Te Tabati are imwiina, ngke e a bane te bootaki n toa, imwain are I kona n teirake, I katobibiaki irouia ataeinnaine man te uoote—ataeinnaine aika a na kona ni bita maiu.

young woman by a path leading to a church in the distance

Te kamataata n te tamnei iroun Alberto Ruggieri

I waekoa n rin n te aonaaba ae moan te kaokoro: te aonaaba ma te bitiobi ao aia beretitenti Ataeinnaine ae tabe ibukiu ao, ni bon arona, ataeinnaine aika a kataia ni maiuakina te euangkerio ni katoabong, aika a kekeiaki ni maiuakina te kainibaire ae rietata riki ao ni karaoa te bwai ae eti ma te kakaonimaki. A rianako otaia are a kona ni kaotaa te kawai imwaiu.

Anne ngke I ataa te bwai ae I riai ni karaoia: “Kam na kaota [au] oota I mataia aomata, ba a na nori [au] makuri aika raraoi, ao a na neboa [Tamau] are I karawa iai” (taraa Mataio 5:16). Ao ngkanne I a moanna n nakon te taromauri ao te Miutuo ni katoa wiiki, wareka Ana Boki Moomon ao n tataro ni katoabong, kunnikaiai n ae taraa raoi, kabonganai taetae aika raraoi, nakon te tembora, ao katauraoakiu nakon karekean ana kakabwaia te tamanuea.

I a bitaki n ae korakora, ma I aki ataia ni karokoa aia kaembwa Ataeinnaine, ngke I namkina te Tamnei ae Raoiroi ao ni kunea bwa iai au koaua—te koaua are e kauringai bwa e tangirai te Atua, bwa iai Ana babaire ibukiu, ao bwa E aki tangiria bwa n na tiku ni maroa. Te koaua ae rangin n oota ao ni korakora are e bitai. Te koaua n tibwaua ao ni kaotaa tiaki ti kawaiu ma tabeman naba’. Te koaua are e aki maaku n otanako n te roo.