Bannan te Onimaki
Wilson Di Paula
San José, Uruguay
Te kabuanibwai n te rebwerebwe e karika Wilson bwa te mwauku. Teuana te ririki imwiina e mate kainnabana. Ngkai ai akea buuna ma tii natina aine aika uoman, e aki ataa te bwai ae na karaoia Wilson. E aki ataia ngkana iai te kaantaninga n te maiu. Wilson e kona n riki n aki manga kukurei. Irarikin anne, e moanna n ukoukora te koaua.
Cody Bell, te tia rawetamnei
Imwiin kabuanibwaiu n te rebwerebwe ao buan kainabau, I tiku ma uoman natiu aine aika n na kaikawaia. I aki ataia raoi bwa n na kanga ni kaikawaia natiu aine ngkai i a memena naba inanon au kaintekateka te wiira. Te kabuanibwai aei ngaia ae e bita maiu n ae korakora.
Iai au titiraki aika mwaiti. Bukin tera a riki bwaai aika buakaka? I kataia ni karaoi bwaai aika raraoi ni maiu, ao e mate kainabau ao I kamwaukuaki ao ni kabongana te kaintekateka te wiira, ao taokita ana karaoa te korokoro iaon atuun natiu te aine ni kanakoa te aoraki ae te tuuma. I moanna n iangoia bwa akea te kaantaninga n te maiu.
I kunea bwa n na kainnanoia ni kakaea te koaua. I ukoukori aia koaua aaro ake tabeua ao I kunea Ana Ekaretia Iesu Kristo ibukiia Aika Itiaki ni Boong Aika Kaitira. I namakinna bwa e koaua.
I reiakinna bwa iai te maiu imwiin aei, ao ngkana ti mate, ti kona ni maeka ma aomata aika ti tangiriia. Aio e uota te kimwareirei nakoiu ibukin 10 te ririki are I a tia ni kabanea ma kaainabau.
Kunean te euangkerio e bita maiu n arona ni kabane. I moanna n aki raraoma ao n aki namakina te kairua. E rin te kukurei n au utu ngkai ti a iriira te taromauri ni katoa Tabati. Ti okira mweengara ma te kakorakoraaki. Ti bwabetitoaki ao n te tai ae aki maan ti kabaeaki ibukin akea tokina n te tembora i Argentina.
Ngkai I teimatoa ni kakaonimaki n te Ekaretia. I a tia ni beku bwa te kauntira n te bitiobiriki, ao I kataia n reirei man au taneiai ni kabane, man kataaki n te maiu aei ni kabane. Aio e anganai te korakora. Ngkai I a tia n tekateka inanon te kaintekateka te wiira inanon te maan ae raka iaon 20 te ririki, I namakina te kukurei anne bwa e roko mai inanou. Te aomata e reiakina ae mwaiti ni katoa bong. Ibukin anne ae ngaia ae I namakina iai te kakaitau.
I a ataia ngkai bwa iai bukina ngkai ti mena iaon te aonaaba. Ti mena ikai bwa mwakoron ana babaire Tamara are i Karawa ae akea tokina. Iai ara Tia Kamaiu ae tokanikai iaon te mate ao e a mangauti. Ataakin aei e anganai te korakora. Ngkai, I kekeiaki ni kekeiaki mwaaka ao ni waaki rake. Iai au kaantaninga ao I ataia bwa ngkana I kataia ni maiuakina te maiu ae kororaoi, I kona ni karekea te utu ae akea tokina.
N aki tabe ma kaangaanga aika e kaitarai Wilson ma natina te aine Sofia, te euangkerio e uota te rau nakoia, te kukurei, ao te korakora. E a tia ni maeka Sofia ma ana karo man te tai are e korokoro iai. E kunea te kimwareirei Wilson ngkai e beku ibukin te Ekaretia.
E kuuka ngke e kabubuta ana kaintekateka te wiira ni kabutaa te umwanikuuka bon teuana mai ibuakon rabakaun Wilson ae karikirakea man te tai are e boo iai.
E kunea te namakin ao te korakora Wilson mairoun te Tia Kamaiu ngke e kamatebwaii booki aika tabu.
A katairiki n amwarake mitinare ma ana utu Di Paula. Tangiran te euangkerio irou Wilson bon te korakora n ana utu ao te Ekaretia.
Imwiin te kabuanibwai ae kakaiaki ao maten kainnabana, e titiraki Wilson iaon te kaantaninga n te maiu. E kunei kaantaninga ngke e kunea ana euangkerio Iesu Kristo.
A kunea te kaantaninga Wilson ao Sofia n te onaoraki. Kabanean ae raka iaon 20 te ririki n te kaintekateka te wiira e aki katoka Wilson man te mwakuri n te kawai ae uaana.
Moangaren Wilson e anga te koaua ni korakoran te tamnei ni maiuna. “Te kukurei e roko mai inanom,” e taku Wilson. “Te aomata e reiakina ae mwaiti ni katoa bong.”
Ngkana a uaia n amwarake, ana utu Di Paula a tibwaua ae raka riki nakon te amwarake ma mitinare, a tibwaua naba aia tangira ao aia kakaitau ibukin te euangkerio.