“N na kanga ni kakaeia raoraou aika raoiroi kateia?”

Te Akoi E Kakawaki

Kaota nakoia te tangira ao bwaina te akoi. Kaotia nakoia bwa ko tabe ibukiia ao kukureia. Ngkana aki kaotia bwa a tararuaiko ao n aki akoi, ko na bon aki tangiria ni kateimatoa te aeka n iraorao anne.

Madi B., ana ririki 15, Arizona, USA

Maiuakin Kateim

Riiki bwa tebanna ni katooto ni maiuakin kateim. Ao ngkana iai raoraom aika aki maiuakina te aeka ni katei anne, kaotia nakoia bwa a kakawaki imatan te Atua. Iesu e tangiria ni kabane ao e reireiniia bwa ana ira Ana kawai.

Bernard B., 19 ana ririki, Palawan, Philippines

Tibwa te Euangkerio

Ko kona ngkai ni kakaeia raoraom ma kateia aika raraoi man irakiia mitinare n nako n reirei. A kinaia tabeman kairake n aomata aika a kainnanoa raoraoia n te Ekaretia.

Unimwaane Quintanilla, 20 ana ririki, Barbados Bridgetown Mition

Tataro ibukiia Raoraom

I tataro mwaaka ngkana raoraou bon ngaiia raoi aika a na kona ni buokai ni kanakoraoa kateiu ao au koaua iroun Iesu Kristo.

Imanol M., 18 ana ririki, Chihuahua, Mexico

E na Buokiko te Atua

I a tia ni kunea bwa ngkana I karaoa te mwakuri ae onoti ni kakaia aomata ake a kaota ootan Kristo, e a tia anne ni karaoa te bitaki ae tamaroa. E atai bwaai aika ko kainnanoi Tamara are i Karawa ao ngkana ko karaoa tabem, ngkanne E na kaekai tataro aikanne.

Olivia T., 18 ana ririki, Utah, USA