Man te Moan Beretitentii
Tangiriia Raom n aron ae Tangirira Iesu
Iroun Beretitenti Dallin H. Oaks
Moan Kauntira n te Moan Beretitentii
E anaaki man “Loving Others and Living with Differences,” Riaona, Nobembwa 2014, 25–28.
Iesu E anganiia Ana reirei te tua ae moan te boongana: “Kam na itangitangiri, n ai arou ngkai I tangiringkami” (Ioane 15:12). Ngkai taan ririmwin Kristo, ti na maeka n rau ma raora. A na irekereke aomata ake a aki kakoaua te bwai ae tia ataia.
Aikai kawai tabeua are ti kona n tangiria raora n aron te Tia Kamaiu ngkai E tangirira:
-
Bwaina te akoi nakoia aomata aika kaokoro.
-
Kaota te karinerine ibukin aia koaua.
-
Tai iowawa ke ni kamatauninga temanna.
-
Riiki bwa te tia kakauongo raoi.
-
Bwaina te aro ae riai. Tai kauntaeka ma te un.
-
Tei ibukin te koaua.
-
Kaongoraeia tabeman taekan te euangkerio n te aro n nanorinano. “[Ti na taetae] ni koaua n tangiria aomata” (I-Ebeto 4:15).
Ana tua ara Tia Kamaiu n tangiria raora ngkai E tangirira bon te kakaewenako ae korakora. I tataro bwa ti na kona ni kataia ni kaota te tangira ni bwaai ni kabane aika ti karaoi.