Ukoukoran Kristo irarikin Mwiin Tamnei Aika Tangako

Ni bairean te rongorongo n taekaia kairake n Ikawai, ti kabanea te tai ae mwaiti n iangoi taekan kaangaanga aika a rinanona ngkai. A rangin ni mwaiti. Ma ngkai ti booti ara iango iaon kanoan te Riaona n te namwakaina aei, ti kairaki nakon te atu ni iango are ti bane n rotaki iai, raoraora, ao tabeman aika aki reke warekaia: te kareke tangira ao n tamnei aika tangako. Ti ataia bwa bairean te tiekition aei e na bon kaangaanga. Ma e na uringaki, bwa te tamnei n tangako e rooti maiuia aomata aika mwaiti n te uruaki n nano, n tabetai e urui maiuia aomata. Ao ibukiia kairake ake a tuai iein, e kona ni karika te tai ae na roko n aki koaua raoi iai nakon ae e a kaman riki, iaon te katauraoi ibukin te mare.

Ti noora bain Tamara are i Karawa ni kairi ara mwakuri ngkai ti moanna ni karekei karaki mairouia kairake n Ikawai ake a tia n rotaki aia reitaki man te tamnei ae tangako. Ao ti noria bwa e mwaiti riki nakon ae ti reken te tai ae uarereke ibukin te kukurei, te mare ae akea tokina ae akea iai tangiran bwaai aika a kareke. Bukin tera? Bukina bwa karaki ni kabane a kakoaua bitakin-te maiu, karekean-te kaantaninga, mwakan ni kamaiu Iesu Kristo ao Ana Mwakuri ni Kamaiu.

Ngaia ae, ngkana ko kunea ae e rotaki am iraorao man te tamnei ae tangako, ti kaoko bwa ko na wareka te mwakoro n te namwakaina aei, ma kabwarabwara aika a tibwauaaki irouia tabeman aika a ataia raoi bwa kekeiaki ni kaitaraa te tamnei ae tangako e bon koaua. Kabwarabwara aikai iai inanona aron uotakirakean taekan te tamnei ae tangako ngkana ko boontaeka ao ko na kanga ni maroroakinna (iteraniba 44), ko na kanga ni kaeka ngkana temanna e kaotia bwa iai rekerekena ma te tamnei ae tangako (ti ni bwaai aika maiu man te iti), e kanga te ikabwara bure ao te kamaiuaki ni kona n riki ibukiia uoman te aomata (ti ni bwaai aika maiu man te iti) ao e na kanga te Tamnei ni kona ni kairiko n ataia bwa ko na kanga ni waaki n am reitaki (ti ni bwaai aika maiu man te iti).

Ti ataia bwa ngkana ko onimakina te Tia Kamaiu ao ni kaoa te Tamnei nakon maium ngkai ko ukoukori kaeka, Tamara are i Karawa e na kairiko n te kawai ae eti ibukin am kaangaanga ae onoti. Mwiin te tamnei ae tangako ae aki raoiroi e kona n rangin n ataaki n te aonaaba, ma ana taura te Tia Kamaiu ni kamaiu e kona ni katoki kaangaanga n aron aikai. Te bwai ae ti na karaoia bon Ukoukorana.

Raomi ni Koaua,

Chakell Wardleigh ao Mindy Selu

Ana Maekatiin te Ekaretia aia tiekition eteta aika kairake n Ikawai

Inanon te Tiekition Aei
- Te Marooro ni Kareketangira ao Te Tamnei ae Tangako
  
  Iroun Riaona ao taan ni mwakuri n te Family Services
Ti Bwaai Aika a Maiu man te Iti
- I Kanga n Reiakinna ni Kaitaraa Ngkana Iai ae Kakoaua Bwa A Kekeiaki ma Te Tamnei ae Tangako
  
  Te Ara e tauaki, Utah, USA
- Te Waaki Rake imwiin Ataakin Raou ae Kabongana te Tamnei ae Tangako
  
  Te Ara ae tauaki, French Polynesia
- I A Tia ni Kekeiaki n Tokanikai Iaon te Tamnei ae Tangako. Bukin Tera Ngkai Tiaki Teuanne?
  
  E tauaki te ara, Guatemala

Reirei Aika a Rianako Tamaroaia …

Irarikin tuangakiia kairake n Ikawai ibukin aia reirei aika rianako tamaroaia ibukin temanna ae raona te mwaane ke raona te aine e a tia ni kekeiaki ma te tamnei ae tangako, n te namwakaina aei ti a tia ni karekei reirei mairoun Beretitenti M. Russell Ballard, te Bonomwi ni Beretitenti n te Kooram n Abotoro n te Tengaun ma Uoman. E reirei:

“Aomata ni kabane ake ko kaitibo ma ngaia a tia ni karekei kakaewenako ni maiuia. Te tamnei ae tangako bon teuana boton te kakaewenako ae ti rinanona n te bong aei. E ngae n anne, te tamnei ae tangako e taraa n tokanikai iaon te buaka n urui maiu, reitaki, ao utu.

“Ngkana iai ae iangoia bwa te mare e riai n atai bwaai ni kabane ibukina ao ni bwaina te kokoaua ma raona te aine ke raona te mwane are e iangoia. Taetae imarenami ao kakaea bwa e mena ia nanon te aomata anne ao tera ae karaoia teuanne ke neienne n riki bwa ‘ae itiaki rinanon ana mwakuri ni kamaiu Kristo ae te Uea’ (Motiaea 3:19). …

“Ngkana ko mena n te reitaki are am boontaeka e kataia ni kakaea te inaomata man te katei ni kabongana ke n tangira te ‘bwainaoraki ae boou aei,’ ko na kona ni buoka teuanne ke neienne. A rangin ni mwaiti mwaane ao aine aika korakai n akea te aomata ae a tuangnga bukina bwa ti a tia n iangoia naake a reke n tangiran te tamnei ae tangako bwa a buakaka . Kaaro, kaain te utu, ao raoraora a kona ni karaoa ae bati riki ni buokiia naake a reke n te kangaanga man nanoia ni kakauongo ao n anga te boutoka ao te kaunganano.

“Ma, raao n ataeinimwaane ao raao n ataeinnaine tiaki tabeia bwa ana ‘kamaiuia’ raoraoia man te bure; aomata n tatabemaniia iai tabeia bon ibukiia.

“Ti ngkoe ae kokona n iangoia, ma ana ibuobuoki te Uea, arom ni wakina am reitaki ngkai te tamnei ae tangako e a taua aron maiun toam are kanga ngaia bon raom nakon taai aika ana roko. Ngkana ko rineia bwa ko na tiku n te reitaki ma temanna ae kekeiaki ma te karirii aei, buoka teuanne ke neienne bwa e na rairaki nakon te Atua n te tataro, n te aki mamatam, ao n ni kamatebwaiakan koroboki aika tabu n taainako. Irarikin anne, kaunga te kakawari ma am karo, kaain te utu, taan kairiiri n te nakoanibonga, ao te tia rabakau ae mwaatai ni karekei ibuobuoki ao boutoka riki tabeua.

“Iai n tainako te kaantaninga ngkana a rineia ni koaua ni kaitaraa te buaka aei. E bon kona n aki bebete, ma e uaana!”

Man te titiraki ao kaekaaia are aanga n te Brigham Young Iuniwetiri n Nobembwa 14, 2017.

Tera te kabanea n tamaroa n reirei ae ko a tia ni karekea ibukin te babaire nakon taai aika ana roko? Kanakoa am kaeka nakoira iaon liahona.ChurchofJesusChrist.org imwain October 31, 2019.