Kumtafuta Kristo kwenye Giza la Ponografia

Katika kuandaa makala kwa ajili ya vijana wakubwa, tunatumia muda mwingi kufikiria kuhusu masuala wanayokabiliana nayo sasa. Yako mengi sana. Lakini tulipokuwa tukipeana mawazo kwa ajili ya mwezi huu, tuliongozwa kwenye mada ambayo imetuathiri sisi binafsi, rafiki zetu, na wengine wasio na idadi: miadi na ponografia. Tulijua kwamba kupanga sehemu hii lingekuwa ni jambo gumu. Hata hivyo ponografia huathiri watu wengi katika kuvunjika mioyo, wakati mwingine katika njia za kuharibu maisha. Na kwa vijana wakubwa waseja, inaweza kufanya wakati ujao uonekane hata usio na uhakika kuliko ambavyo tayari unaonekana, hasa katika kujiandaa kwa ajili ya ndoa.

Kwa kweli tumeona mkono wa Baba wa Mbinguni ukiongoza kazi yetu wakati tulipoanza kupokea hadithi kutoka kwa vijana wakubwa ambao mahusiano yao yameathiriwa na ponografia. Na tunaona kwamba kuna zaidi ya mwangaza hafifu wa tumaini kwenye ndoa za milele zenye furaha, zisizo na uraibu. Kwa nini? Kwa sababu kila hadithi hushuhudia juu ya badiliko la-maisha, uwepo wa-tumaini, nguvu ya uponyaji ya Yesu Kristo na Upatanisho Wake.

Hivyo ukijikuta katika uhusiano ambao umeathiriwa na ponografia, tunakualika kusoma sehemu ya mwezi huu, yenye makala zilizotolewa na wengine ambao wanajua vyema kwamba mapambano dhidi ya ponografia ni halisi. Makala hizi zinajumuisha mada kama vile jinsi ya kuzungumzia ponografia wakati wa miadi na jinsi ya kuikabili (ukurasa wa 44), jinsi ya kujibu wakati mtu anapokiri kupambana na ponografia (kidijitali pekee), jinsi msamaha na uponyaji vinavyowezekana kwa wote wawili (kidijitali pekee), na jinsi Roho anavyoweza kukuongoza kujua jinsi ya kuendelea katika uhusiano wako (kidijitali pekee).

Tunajua kwamba ikiwa utamtegemea Mwokozi na kumualika Roho katika maisha yako pale unapotafuta majibu, Baba wa Mbinguni atakuongoza kwenye uelekeo sahihi kwa ajili ya hali yako ya kipekee. Giza la ponografia linaweza kuwa limekithiri ulimwenguni, lakini nuru ya Mwokozi ya uponyaji inang’ara juu ya giza lolote. Yote tunayopaswa kufanya ni kumtafuta Yeye.

Kwa moyo wa dhati,

Chakell Wardleigh na Mindy Selu

Mhariri wa Majarida ya Kanisa sehemu ya vijana wakubwa.

Ushauri Bora …

Badala ya kuwaomba vijana wakubwa ushauri bora kwa ajili ya mtu ambaye rafiki yake wa kiume au wa kike amepambana na ponografia, mwezi huu tumechukua ushauri kutoka kwa Rais M. Russell Ballard, Rais Mkaimu wa Akidi ya Mitume Kumi na Wawili. Alishauri:

“Kila utakayekutana naye atakuwa na changamoto katika maisha. Ponografia ni moja ya changamoto kuu tunazopitia leo. Hata hivyo, ponografia inaonekana kuchukua ushindi wa siku katika kuharibu maisha, mahusiano, na familia.

“Yeyote anayefikiria ndoa anastahili uwazi na uaminifu wote kwa mwenza wake aliyekusudiwa. Zungumzeni pamoja na tafuta wapi moyo wa mtu upo na nini anafanya kuwa ‘mtakatifu kupitia upatanisho wa Kristo aliye Bwana’ (Mosia 3:19). …

“Ikiwa upo katika uhusiano ambapo uliye na miadi naye anajaribu kwa dhati kutafuta uhuru kutoka kwenye matumizi ya kutawaliwa na tabia mbaya ya kwenda kwenye ‘dawa hii mpya.’ unaweza kumsaidia. Wanaume na wanawake wengi wanateseka kimyakimya kwa sababu kwa makusudi tumeamua kuwa wakatili kwa wale wenye uraibu wa ponografia. Wazazi, wanafamilia, na marafiki wanaweza kufanya mengi ya kusaidia wale walioko matatizoni kwa kuwa radhi kusikiliza na kutoa msaada na kutia moyo.

“Hata hivyo, marafiki wa kiume na wa kike hawawajibiki ‘kuwaokoa’ rafiki zao kutokana na dhambi; kila mtu ana jukumu hilo kwa ajili yao wenyewe.

“Ni wewe pekee unayeweza kuamua, kwa msaada wa Bwana, jinsi ya kuendelea katika uhusiano ambao ponografia ina nafasi katika maisha ya mwenza wako mtarajiwa. Ikiwa unachagua kubaki katika uhusiano na mtu anayepambana na jaribu hili, msaidie mtu huyo kumgeukia Mungu katika sala, katika kufunga, na katika usomaji wa kila mara wa maandiko. Kwa kuongezea, himiza mazungumzo na wazazi, wanafamilia, viongozi wa ukuhani, na washauri wenye utaalamu ili kupata usaidizi na uungwaji mkono.

“Daima kuna tumaini ikiwa kwa dhati watachagua kupigana vita hii. Haitakuwa rahisi, lakini ina thamani!”

Kutoka kwenye hotuba ya maswali-na-majibu iliyotolewa katika Chuo Kikuu cha Brigham Young mnamo Novemba 14, 2017.

Ni ushauri upi bora umewahi kupokea kuhusu kupanga kwa ajili ya wakati ujao? Tutumie jibu lako kwenye liahona.ChurchofJesusChrist.org kabla ya Oktoba 31, 2019.