Singgit nga Hosanna
Karon, akong kaigsoonan, sa atong pagsaulog sa Unang Panan-awon ni Joseph Smith sa Amahan ug Anak kami mibati nga angay nga magmaya kitang tanan pinaagi sa pag-apil sa Singgit nga Hosanna.
Kining sagradong pagsinggit unang gihatag niini nga dispensasyon sa pagpahinungod sa Templo sa Kirtland niadtong Marso 27, 1836. Kini karon ihatag sa pagpahinungod sa matag templo. Kini usa ka sagrado nga halad ngadto sa Amahan ug sa Anak, nagsimbolo sa reaksyon sa katawhan sa dihang ang Manluluwas mihimo sa Iyang madaugong pagsulod ngadto sa Jerusalem. Kini usab nagmatuod pag-usab unsay nasinati sa batan-ong Joseph nianang adlawa sa Sagrado nga Kakahoyan—sa ato pa, nga ang Amahan ug ang Anak duha ka nahimaya nga mga Binuhat nga atong gisimba ug gidayeg.
Ako karon mopakita unsaon ang Singgit nga Hosana. Samtang akong buhaton, ako modapit sa atong mga kauban sa media sa paghimo niini nga sagrado uban ang kaligdong ug pagtahud.
Ang matag usa nga moapil mokuha og limpyo nga puting panyo, maggunit niini sa usa ka tumoy, ug iwara-wara kini samtang magdungan sa pagsulti, “Hosanna, Hosanna, Hosanna ngadto sa Dios ug sa Kordero,” balikon sa makatulo ka higayon, sundan sa “Amen, Amen, ug Amen.” Apan kon kamo walay puti nga panyo, iwara-wara lang ang inyong kamot.
Mga kaigsoonan, ako karon modapit kaninyo sa pagbarug ug pag-apil sa Singgit nga Hosana, pagkahuman ang “Kanta sa Hosana” ug “Ang Espiritu sa Dios”1 kantahon.
Sa sinyas sa conductor, palihug apil sa pagkanta sa “Ang Espiritu sa Dios.”
Hosanna! sa Dios ug Kordero.
Hosanna! sa Dios ug Kordero.
Hosanna! sa Dios ug Kordero.
Amen, Amen, ug Amen.