Wan Invitesen i Go long Ol Artis Raon long Wol
Oli bin invaetem yu blong ol niu wok blong art blong namba 12 Intanasonol Art Kompetisen, we Jos Histri Miusiom i sponsarem long Sol Lek Siti, Yuta.
Evri kaen media artis, stael, mo lukluk long saed blong kalja i welkam. Ol wok blong art we oli jusum, bae oli soem long Jos Histri Miusiom mo onlaen.
Kompetisen ia we bae oli jajem i pulum ol artis raon long wol blong mekem wan efot blong leftemap tingting blong kriesen blong kwaliti blong art we i kam long ol Lata-dei Sent, blong save soem hamas prodaksen blong ol kalja blong ol Lata-dei Sent i bigwan mo defdefren, mo blong mekem koleksen blong Jos Histri Miusiom i kam moa bigwan.
-
Stamba Toktok: “Evriwan I Semmak long God,” i kam tru long insperesen long 2 Nifae 26:33
-
Ol deit blong givim art wok: Febwari 1–Jun 1, 2021
-
Ol yia: Ol artis i mas gat 18 yia o moa olfala
-
Ol Praes: Ol artis we bae oli jusum wok blong olgeta blong oli soem long ol man, bae oli talemaot long olgeta long Oktoba 2021
-
Ol deit blong soem ol art wok ia: Maj 2022 kasem Oktoba 2022
Go long ChurchofJesusChrist.org/artcompetition blong kasem ol ditel blong ol rul, ol samting we i mekem yu inaf blong tekpat, rejista onlaen, mo lukluk ol art wok we i kam tru long insperesen long ol kompetisen we i pas.
Evriwan I Semmak long God
Folem raon long lef i go long raet, stat antap long lef: Kraes wetem wan Hat blong King we oli mekem long Nilrop, i kam long Adam Lee Sherwood; Ol Pisis We i Go Gud Tugeta, i kam long Paige Crosland Anderson; Ol Wota We I Stap Laef, i kam long Rose Datoc Dall; Hiling blong Kraes, i kam long Leroy Glen Transfield; Plan blong Fasin blong Sevem Man, i kam long Julie Yuen Yim