Sikret Ingridien

I kam long Cristina B. Franco

Seken Kaonsela insaed long Praemeri Jeneral Presidensi

Oli karemaot long “The Joy of Unselfish Service,” Liahona, Nov. 2018, 55–57.

Papa long Heven i wantem yumi blong givim seves long ol narawan. Praemeri tija blong mi i wan gudfala eksampol blong seves. Taem mifala i kam long Praemeri, Sista Antonietti i stap karem joklet kek oltaem. !Mi no laekem joklet kek! Evri narawan i laekem. Be mi neva kakae.

Wan dei hem i askem mi: “?From wanem yu no wantem kakae wan smol pis?” Kek ia i oli mekem wetem wan spesel ingridien.”

Mi agri blong mi traem. Mo, ?yu save wanem? !Mi laekem!

Plante yia afta, mama blong mi i talem long mi wanem i sikret ingridien blong Sista Antonietti. “Sista Antonietti i no bin gat tumas mane,” mama blong mi i talem. “Evri wik, bae hem i mas jusum blong pem bas fea blong hem mo ol pikinini oli go long Praemeri, o bae i pem ol ingridien blong mekem joklet kek blong klas blong yu. Oltaem hem i jusum joklet kek. Mekem se hem i jusum blong mekem joklet kek be i no bas fea, mo hem mo ol pikinini oli wokbaot ova long 3 kilometa wan wei, i nomata se ren o san.”

!Sikret ingridien blong Sista Antonietti hem i lav we hem i gat blong ol narawan! ●