?Wanem Nao I Stap long Maen blong Yu?

Mi neva bin mekem eni samting we i nogud tumas. ?Mi Nidim blong Sakem Sin Yet?—No Sua Tumas long Yudine

Dia No Sua Tumas,

Evriwan i nidim blong sakem sin from, !no gat man i stret evriwan! Blong stap sakem sin i save simpol nomo olsem prea long Papa long Heven abaot olsem wanem dei blong yu i bin go mo talem long Hem olsem wanem yu wantem blong kam moa gud tumoro. Yumi askem Hem from fogivnes taem yumi bin mekem wan samting we i rong, mo Hem i fogivim yumi. Sam pipol oli ting se fasin blong sakem sin i wan samting we oli fraet long hem. !Be hem i wan hapi samting! Fasin blong sakem sin i wan presen we Jisas Kraes i givim long yumi mekem se yumi save lan, gro, jenis, mo kam moa olsem Hem. Presiden Nelson i talem se yumi mas sakem sin evri dei. Taem yu mekem hemia, bae yu filim moa pis mo paoa long laef blong yu.

Wetem lav,

Fren

!Traem hemia!

Bae yu nidim:

Sol blong kuk

Blak pepa blong kuk

Plastik spun

tawel

1. Sakem sam sol long wan plet. Hemia i soem olsem wanem yumi klin evriwan mo klin bifo yumi sin.

2. Sakem smol pepa blong kuk antap long sol. Hemia i soem ol rong joes we yumi mekem.

3. Naoia tekem plastik spun mo rabem long wan tawel.

4. Muvum spun sloslo antap long sol mo pepa blong kuk. !Pepa blong kuk bae i fas long spun! I semmak olsem nao taem oli fogivim yumi taem yumi sakem sin.

Olsem we spun i stap karemaot pepa blong kuk long aktiviti ia, blong stap sakem sin i save mekem yumi klin long ol rong joes we yumi stap mekem evri dei—we i bigwan o smol. From Jisas Kraes mo Atonmen blong hem, evriwan long yumi i gat janis blong sakem sin.