Olsem Wanem Yumi Mekem Fet blong Yumi I Kam Moa Strong—Tugeta

Long stadi blong yumi long Buk blong Momon long manis ia, yumi lanem abaot Koriho, we i bin winim tingting blong fulap Jos memba se ol profet oli bin giaman long olgeta, be afta, hem i bin admitim se hem hemwan, Setan i bin giaman long hem wetem ol nara wan. Yumi lanem abaot ol Soramaet, we evri pipol blong hem i bin seraotem olgeta aot long Jos. Afta yumi luk yangfala Alma, we i bin faet strong agensem Jos, i lukaot blong mekem ol adalt pikinini blong hem i kam moa strong agensem ol joes we bae i lidim olgeta i go longwe long Lod mo Jos blong Hem.

Ol famli memba mo fren blong sam long yumi, oli jus blong nomo tekpat long Jos blong Lod we i bin kambak long wol bakegen. Hemia i save soa bigwan long yumi we yumi gat strong fet. Mifala i wantem blong help, be fulap long mifala i stap tingting se olsem wanem

Wan magasin we i kamaot bae i neva inaf blong tokbaot evri risen blong from wanem fet i go daon o eksplenem olsem wanem stret blong ansa sapos fet i go daon. Rod blong fet blong evriwan i defdefren. Be wetem magasin ia we i kamaot, mifala i hop blong givim sam help, olsem:

• Eksperiens blong wan man blong kambak long Jos mo wanem hem i bin lanem aot long hem (luk long pej 26).

• Olsem wanem i impoten blong stap welkamem evriwan (luk long 40).

• Sam tingting blong ol papa mo mama long olsem wanem blong gaedem rilesensip blong olgeta wetem ol adalt pikinini we oli bin jusum wan defren rod (luk long pej 30).

• Ol lukluk we i save help fulap long Jos Histri mo olsem wanem i save mekem fet blong yumi i kam moa strong (luk long pej 12).

Mifala i hop se ol stori ia bae i givim wan ples blong stat blong yu blong lukaotem tabu gaed ia blong ol situesen blong yuwan

Wetem tru hat,

I Kam long Adam C. Olson

Manejing Daerekta