Ol Skripja Stori
Yangfala Alma I Sakem Sin
Yu save ridim abaot stori ia long Mosaea 27.
Alma i boe blong wan profet. Oli putum nem blong hem afta long papa blong hem, be hem i no bin biliv long wanem papa blong hem i bin tijim. Hem i talem long ol pipol se Jos i no tru.
Wan dei wan enjel i kamaot long Alma. Enjel ia i talem long Alma blong sakem sin.
Blong tri dei Alma i bin silip. Hem i stap tingting abaot ol nogud joes blong hem.
Afta Alma i bin prea blong kasem fogivnes. !Mo God i fogivim hem! Hem i bin filim lav blong Kraes. Alma i wekap mo i tijim ol narawan abaot olsem wanem Jisas i bin sevem hem.
Mi save sakem sin taem mi mekem wan rong joes. Jisas bae I oltaem stap wetem mi. ●
Ol pikja oli kam long Apryl Stott