Stap folem Ol Paeonia

I Kam long Elda Dallin H. Oaks

Fas Kaonsela long Fas Presidensi

Oli karemaot long “Stap Folem Ol Paeonia,” Ensign, Nov. 1997, 72–74.

Wan taem mi bin wokbaot long sam rod we Ol Paeonia blong Jos blong bifo i bin wokbaot long hem long rod blong olgeta i go long Sol Lek Vali. Mi bin gat tingting we i stap daon bigwan blong wokbaot long ples we ol paeonia oli bin wokbaot long hem. Be i no impoten tumas blong wokbaot long ples we oli bin wokbaot long hem olsem we i blong laef olsem we oli bin laef.

Ol paeonia oli bin wokbaot fored wetem fet insaed long wan niu relijin, wan niu graon, mo wan niu wei blong mekem ol samting. Oli bin trastem God. Yumi nidim fet tu.

Oli bin folem wanem ol lida blong olgeta i bin askem olgeta blong mekem. Yumi nidim blong stap obei tu.

Oli bin yusum ol talen blong olgeta mo wok tugeta blong bildim Saeon. Yumi nidim blong stap wan tu.

Oli no bin lego eniwan biaen. Oli bin mekem sua se olgeta we oli stap fesem ol trabol oli stap wetem olgeta tu, long rod. Yumi nidim blong mekem evriwan i pat tu.

Yumi save givim ona long ol paeonia taem yumi stap folem ol eksampol blong olgeta. ●

Mi Save Kam Wan Paeonia

Eniwan we i lidim rod blong mekem laef blong famli blong olgeta i kam moa gud i wan paeonia.

Faenem rod blong yu long ol rod ia. Blong stap pas tru long ol rod ia, yu save kam wan paeonia taem yu …

Taem mi lanem wan samting we i niu.
Taem mi help blong statem wan gudfala fasin o kastom.
Taem mi tijim famli blong mi abaot gospel.
Taem mi mekem ol samting blong bildim famli blong mi we i no save finis.