ʻŪ Makasini Foʻou ʻa e Siasí ʻe Lava Maʻu Atu ʻi he 2021

Kamata ʻi Sānuali 2021, ʻe ʻoatu ʻe he Siasí ʻa e ʻū makasini kehekehe ʻe tolu ʻi he ngaahi lea fakafonua ʻe 48:

Liahona maʻá e kakai lalahí
Ko ha fakalahi ʻo e Kaumeʻá maʻá e fānaú
Mo e Ki Hono Fakamālohia ʻo e Toʻu Tupu foʻoú maʻá e toʻu tupú.

ʻE lava ke maʻu ʻa e makasini takitaha ʻi he māhina kotoa pē pe fakahili māhina, makatuʻunga ʻi he lea fakafonuá.

ʻE kei hokohoko atu pē hono maʻu ʻe kinautolu ʻoku lolotonga totongi Liahoná ʻenau makasini Liahoná ʻo aʻu ki he ʻosi ʻo ʻenau totongí, ka ʻo ka hili ʻa Sānuali ʻe kau pē ʻa e ngaahi naunau maʻá e kakai lalahí. Ko kinautolu ʻoku fie maʻu ke maʻu ʻa e Kaumeʻá pe Ki Hono Fakamālohia ʻo e Toʻu Tupu foʻoú ʻe fie maʻu ke nau totongi ki he ʻū makasini ko iá. Totongi ʻo ngāue ʻaki e faʻahinga founga pē ʻoku lava ʻi hoʻo feituʻú, kau ai ʻa e store.ChurchofJesusChrist.org, ʻi ha senitā tufakiʻanga naunau, pe fakafou ʻi he ngaahi ʻota fakalotofonua ʻa e ʻiunití. ʻE hokohoko atu pē hono maʻu taʻetotongi ʻo e fakamatala fakaʻilekitulōnika ʻo e makasiní ʻi he polokalama Gospel Library pe ʻi he liahona.ChurchofJesusChrist.org.