Ol Jenis long Ol Magasin blong Jos

Bae i gat ol bigfala jenis we bae i tekem ples long ol magasin blong Jos stat long Jenuware 2021. Magasin ia, Liahona bae i kam magasin ia blong olgeta adalt, mekem se bae i gat wan magasin ia nomo blong ol adalt raon long wol. Ol magasin blong ol yut mo ol pikinini, oli wanwan buk, mo bae oli stap blong evriwan raon long wol. Mo bae i gat ol atikol o nara samting we oli dijitol nomo, mo i gat ol lokol tul we bae oli mekem i kam bigwan moa mo bae i givim moa niu tingting long gospel mo bae i gat moa risos blong ol memba blong Jos long evri ples oli save yusum.

Nem ia, Ensign, bae oli nomo yusum, mo naoia, bae magasin blong ol yut, bae oli save olsem Blong Ol Yut Oli Kam Strong we i tekem ples blong New Era (Niu Era), mo Fren bae i gohed olsem taetol blong magasin blong ol pikinini.

Ol jenis ia long ol magasin bae i helpem ol Ol Lata-dei Sent raon long wol.

Blong fas taem, ol famli aotsaed long ol kantri we oli toktok Inglis, bae oli gat janis blong pem wan plan blong kasem ol magasin, speseli blong ol pikinini mo ol yut.
Long samfala eria mo lanwis, bae oli pablisim ol magasin ia plante moa taem bitim bifo.
Wol jos famli bae i kasem ol sem mesej we bae i mekem yumi stap wan, hemia tru long ol wol magasin ia.