2020
Sikis Niu Tempol we oli Anaonsem
Novemba 2020

Sikis Niu Tempol we oli Anaonsem

Presiden Russel M. Nelson i bin anaonsem sikis niu tempol long taem blong Sandei aftenun sesen blong Jeneral Konfrens. Oli bin anaonsem ol tempol blong ol ples ia:

  • Tarawa, Kiribas. Kiribas i wan kantri we i gat 32 atol insaed long Pasifik Solwota kolosap long ol intanasonol deit laen.

  • Port Vila, Vanuatu. Vanuatu i wan kantri we i gat samples 80 aelan we i stap long Saot Pasifik.

  • Lindon, Yuta, YSA. Lindon i stap kolosap 64 kilometa longwe Saot long Sol Lek Siti.

  • Hae Gwatemala Siti, Gwatemala Gwatemala i stap long Sentrol Amerika, we bae i no longtaem bae i gat fo tempol i stap longwe.

  • Sao Paolo, Brasil. Hemia bae i namba 12 tempol we oli anaonsem long Brasil.

  • Santa Krus, Bolivia. Hemia bae i nambatu tempol long Saot Amerika ia.

Taem we hem i kam Presiden blong Jos long 2018, Presiden Nelson i bin anaonsem we bae oli bildim 49 niu tempol. Naoia i stap, Jos i gat 230 tempol we oli anaonsem, we oli stap bildim i go, o oli open finis.

Printim