Onlaen Sistem blong Ol Rol blong Tempol Prea

Oli bin krietem wan onlaen sistem blong letem ol memba oli sendem ol nem blong famli o ol fren i go long tempol, blong mekem se oli putum ol nem ia long rol blong prea. Ol rikwes blong putum nem long prea rol blong wan tempol, oli save mekem taem oli visitim infomesen pej blong eni tempol long ChurchofJesusChrist.org/temples mo oli klik long prea rol link. Yumi save mekem ol rikwes tu tru long seksen blong Temples long mobael ap blong Members Tools. Taem we oli putum ol nem i go, bae oli sendem i go long tempol ia (o tempol we i moa kolosap we i open i stap).

Ol memba blong plante relijin oli stap prea blong olgeta we oli lavem olgeta, mo ol narawan we oli gat ol sik o ol nara hadtaem. Ol skripja oli tokbaot ol eksampol blong taem we Jisas Kraes i bin prea long ol grup mo oli bin askem strong long olgeta we oli bin stap blong prea. Semfala praktis ia, oli luk insaed long ol tempol, long ol ples we ol memba oli joen long fet mo long prea, oli stap askem God blong blesem olgeta man mo woman we nem blong olgeta oli stap long ol prea rol ia.