Mga Kausaban sa Pagpangulo Gipahibalo

Atol sa kinatibuk-ang komperensya sa Oktubre 2020, usa ka bag-ong sakop sa Kapangulohan sa Seventy, usa ka bag-ong General Authority Seventy, usa ka bag-ong sakop sa Presiding Bishopric, ug upat ka bag-ong Area Seventy gipahibalo.

Si Elder Brent H. Nielson gipaluyohan isip sakop sa Kapangulohan sa Seventy, human sa pag-release ni L. Whitney Clayton, kinsa gihatagan og emeritus status. Si Elder Patrick Kearon nagserbisyo karon isip Senior President sa Seventy, ang katungdanan nga gihuptan kaniadto ni Elder Clayton.

Si Elder Dean M. Davies gipaluyohan isip General Authority Seventy, human siya gi-release isip Unang Magtatambag sa Presiding Bishopric. Si Bishop W. Christopher Waddell gipaluyohan nga mopuli ni Elder Davies isip Unang Magtatambag sa Presiding Bishopric, ug si Bishop L. Todd Budge, kinsa gi-release isip General Authority Seventy, gipaluyohan isip Ikaduhang Magtatambag (ang katungdanan nga gihuptan kaniadto ni Bishop Waddell).

Si Elder Enrique Falabella ug Elder Richard J. Maynes gi-release usab isip mga General Authority Seventy ug gihatagan og emeritus status.

Ang mga kasaysayan sa kinabuhi niini nga mga lider makita sugod niini nga pahina. Ang pag-release sa 47 ka Area Seventy ug ang pagtawag sa upat ka Area Seventy gipahibalo usab (tan-awa sa pahina 30).