Pamahayag mahitungod sa Seremonya sa Templo

Ang Unang Kapangulohan mipagawas sa mosunod nga mensahe niadtong Hulyo 20, 2020, mahitungod sa mga kausaban sa seremonya sa tuga sa templo:

“Ang sagrado nga mga pagtulun-an, mga saad, ug mga seremonya sa templo adunay karaan nga sinugdanan, ug nagpunting sa mga anak sa Dios ngadto Kaniya samtang mohimo sila og dugang nga mga pakigsaad ug magkat-on pa mahitungod sa Iyang plano, lakip sa tahas sa Manluluwas nga si Jesukristo.

“Pinaagi sa inspirasyon, ang mga pamaagi sa pagtudlo diha sa kasinatian sa templo nausab sa makadaghang higayon, bisan sa bag-ong kasaysayan, aron sa pagtabang sa mga miyembro nga mas makasabut ug mosunod sa unsay ilang nakat-unan diha sa templo.

“Usa ka bahin sa kasinatian sa templo naglakip sa paghimo og sagradong mga pakigsaad, o mga saad, ngadto sa Dios. Kadaghanan sa mga tawo pamilyar sa simbolikanhong mga lihok nga mag-uban sa paghimo og relihiyoso nga mga pakigsaad (sama sa pag-ampo, pagpaunlod sa indibidwal panahon sa bunyag, o paggunitay og mga kamot atol sa seremonya sa kaminyoon). Ang susama nga yano, simbolikanhong mga lihok nag-uban sa paghimo og mga pakigsaad sa templo.

“Uban sa pagpakabana alang sa tanan ug tinguha nga mapalambo ang kasinatian sa pagkat-on diha sa templo, adunay bag-o nga mga kausaban nga gitugotan sa seremonya sa tuga sa templo. Tungod sa kasagrado sa mga seremonya sa templo, among hangyoon ang atong mga miyembro ug mga higala nga dili mohimo og pagpangagpas o dayag nga mga diskusyon mahitungod niini nga mga kausaban. Hinoon, among dapiton ang mga miyembro sa Simbahan nga mopadayon sa pagpaabot sa adlaw nga sila mobalik ug hingpit nga moapil sa sagradong buhat sa templo sa mainampuon ug mapasalamatong paagi.”