Unom ka Bag-ong Templo Gipahibalo

Unom ka bag-ong templo gipahibalo ni Presidente Russell M. Nelson atol sa Dominggo sa hapon nga sesyon sa kinatibuk-ang komperensya. Ang mga templo gipahibalo alang sa:

• Tarawa, Kiribati. Ang Kiribati usa ka nasud nga naglangkob og 32 ka isla diha sa Dagat sa Pasipiko duol sa international date line.

• Port Vila, Vanuatu. Ang Vanuatu usa ka nasud nga naglangkob og mga 80 ka isla diha sa Habagatang Pasipiko.

• Lindon, Utah, USA. Ang Lindon nahimutang mga 40 ka milya (64 km) sa habagatan sa Siyudad sa Salt Lake.

• Greater Guatemala City, Guatemala. Ang Guatemala, sa Tunga-tungang Amerika, sa dili madugay mahimo na nga adunay upat ka templo.

• São Paulo East, Brazil. Kini ang ika-12 nga templo nga gipahibalo alang sa Brazil.

• Santa Cruz, Bolivia. Kini ang ikaduha nga templo niini nga nasud sa Habagatang Amerika.

Sukad nga nahimo siyang Presidente sa Simbahan niadtong 2018, si Presidente Nelson mipahibalo sa pagtukod og 49 ka bag-ong templo. Ang Simbahan karon aduna nay 230 ka templo nga gipahibalo, gitukod pa, o gigamit na.