Dali, Sunod Kanako: Doktrina ug mga Pakigsaad
Unsaon nako sa pagkahibalo sa akong kaugalingon?
Joseph Smith—Kasaysayan 1:1–26
(Enero 4–10)
Paghulagway pinaagi ni Ben Simonsen
Ang Batan-ong Joseph gusto nga makahibalo sa iyang kaugalingon kon hain nga relihiyon ang tinuod. Nangutana siya sa Dios diha sa pag-ampo ug nakadawat og tubag direkta gikan sa Dios ug ni Jesukristo. Mipauli siya ug gisultihan ang iyang inahan, “Ako nakahibalo sa akong kaugalingon” (Joseph Smith—Kasaysayan 1:20).
Unsa ang atong makat-unan gikan sa ehemplo ni Joseph? Unsaon nato nga “makahibalo sa atong kaugalingon” kon unsa ang tinuod?
-
Si Joseph migahin og dakong panahon sa pagbasa sa Biblia. Nabasa niya sa Santiago 1:5 nga makapangutana siya sa Dios diha sa pag-ampo.
-
Si Joseph wala lang naglingkod diha sa panimalay nga naghulat og tubag nga moabut. Mitambong siya og lain-laing mga simbahan. Samtang nakig-istorya siya sa mga lider ug mga miyembro sa nagkalain-laing mga tinuohan, gibati ni Joseph nga dunay butang nga kulang, nga misangput sa iyang desisyon nga mangutana sa Dios. Ang pagkat-on sa tanan kutob sa atong mahimo makatabang kanato nga mapanalanginan og inspirasyon gikan sa Langitnong Amahan.1
-
Diha sa Unang Panan-awon, ang Manluluwas misulti ni Joseph nga wala sa kasamtangang mga relihiyon ang husto. Siya usab miingon nga ang Iyang Simbahan ipahiuli sa umaabut nga adlaw. Si Joseph kinahanglan nga maghulat aron makakat-on og dugang pa. Usahay kita usab kinahanglan nga maghulat alang sa mga tubag.