Unsa ang gitudlo ni Moroni ni Joseph Smith?

Doktrina ug mga Pakigsaad 2; Joseph Smith—Kasaysayan 1:27–65

(Enero 11–17)

Imahe

pdf

He Called Me by Name (Siya Misangpit sa Akong Ngalan), ni Michael Malm

Niadtong Septyembre 21, 1823, si Joseph Smith nag-ampo alang sa kapasayloan sa iyang mga sala ug aron makahibalo sa iyang kahimtang atubangan sa Dios. Samtang nag-ampo si Joseph, ang kahayag mipuno sa iyang kwarto ug siya nakakita og anghel nga nagbarug sa hangin.

Ang anghel misangpit ni Joseph sa iyang ngalan ug mipaila sa iyang kaugalingon nga si Moroni. Gisultihan niya si Joseph nga siya gipasaylo ug nga ang Dios adunay ipabuhat kaniya.

Si Moroni misulti ni Joseph nga ang iyang ngalan “pagagamiton alang sa maayo ug sa dautan diha sa tanan nga mga kanasuran, mga kaliwatan, ug mga pinulongan” (Joseph Smith—Kasaysayan 1:33).
Nahibaloan ni Joseph ang mahitungod sa bulawang mga palid nga gilubong sa duol nga bungtod nga naglakip sa “kahingpitan sa walay katapusan nga Ebanghelyo” (Joseph Smith—Kasaysayan 1:34). Si Moroni misulti usab ni Joseph mahitungod sa Urim ug Thummim nga giandam sa Dios alang ni Joseph sa paghubad sa mga palid (tan-awa sa Joseph Smith—Kasaysayan 1:35).
Gipaambit ni Moroni kang Joseph ang pipila ka mga panagna nga hapit nang matuman mahitungod sa pag-establisar niining katapusang dispensasyon ug ang mga panalangin nga ikahatag niini ngadto sa kalibutan.
Si Moroni mipakita ngadto ni Joseph sa tulo ka higayon nianang gabhiona ug sa kausa pagkasunod buntag. Siya mihatud sa samang mensahe apan mihatag og dugang nga impormasyon ug panudlo ngadto ni Joseph sa matag higayon (tan-awa sa Joseph Smith—Kasaysayan 1:44–46, 49).