Nagtudlo Kanatong Tanan ngadto Kang Jesukristo
Ang kinabuhi usa ka panaw. Ang Liahona makatabang.
Drowing sa Liahona ni Beth Whittaker
Sa panahon sa Basahon ni Mormon, ang Ginoo miandam sa Liahona aron sa pagtabang ni Lehi ug sa iyang pamilya nga mouswag sa ilang panaw. Kadto mao ang usa ka “kompas, diin motudlo ngadto kanila og usa ka tul-id nga agianan paingon sa yuta sa saad” (Alma 37:44).
Sama ni Lehi, kita anaa sa usa ka panaw. Kita adunay mga maayo ug mga kalisud. Kaharuhay ug mga unos. Kalinaw ug kasakit. Apan bisan niining tanan, adunay usa ka balaan nga katuyoan tungod kay kita adunay balaanong potensyal. Ang atong Langitnong Amahan dili gusto nga kita basta lang mobalik Kaniya; gusto Siya nga mas mahisama kita Kaniya pinaagi sa Iyang Anak, nga si Jesukristo. Apan usahay kita nagkinahanglan og tabang.
Ubos sa direksyon sa buhing mga propeta, ang Liahona nga magasin sa atong panahon gidesinyo sa pagtabang kanato nga masayud sa agianan ug unsaon sa pagsubay niini. Ang pagkat-on ug pagsunod sa ebanghelyo ni Jesukristo makausab kanato. Ug kon kita makalahutay sa atong mga kalisdanan sa kinabuhi, atong makita nga ang pagsunod Kaniya lahos sa kaharuhay ug unos nakatugot Kaniya sa paghimo kanato nga unsa gayud ang Iyang nahibaloan nga kita mamahimo.
Padayon sa pagbasa aron makat-on og dugang pa mahitungod sa bag-o nga Liahona.
Litrato sa babaye nga nagsulat gikan sa Getty Images; mga hulagway: ikaduhang laray gikan sa ibabaw (wala) ug ikatulong laray gikan sa ibabaw (tuo) gikan sa Getty Images
Usa ka Magasin alang sa Matag Kasingkasing ug Sakop sa Panimalay sa Pagtuo
Naggikan man kamo sa Slovenia o Spain, Madagascar o Massachusetts, kini nga magasin alang kaninyo. Kon ang inyong pinulongan Korean o Kiribati; masementado man inyong balay o kawayan; nabunyagan man kamo 80 na ka tuig ang milabay o kagahapon lang. Minyo, dili minyo, tigulang, batan-on—kining mga pahina mamulong ug mopakita kaninyo. Ang inyong pagpamatuod, inyong kasinatian, inyong panimalay sa hugot nga pagtuo. Mao kana ang dakong panalangin sa pagbaton og usa ka pangtibuok kalibutan nga magasin alang sa mga hamtong. Kini nagpahiusa kanato ug nagpahinumdom kanato nga kitang tanan nahisakop sa pangtibuok kalibutan nga pamilya ug pangtibuok kalibutan nga simbahan.
Busa dali ug apil kanamo samtang kita mas magpaduol ngadto ni Jesukristo. Usa ka isyu sa usa ka higayon, usa ka pahina sa usa ka higayon. Uban sa mga propeta ug mga apostoles nga naggiya kanato, ug uban sa usa ka mahigugmaon nga Manluluwas nga nagtabang kanato. Kitang tanan. Mag-uban.
Unsa ang Malauman gikan sa Bag-ong Liahona
Mga Mensahe gikan sa mga Propeta ug mga Apostoles
Ang Liahona nga magasin mohulagway sa mga mensahe gikan sa mga lider sa Simbahan sa mas tukma nga paagi. Kini nga mga mensahe, sa giimprinta ug diha sa internet, mopunting kanatong tanan ngadto sa Manluluwas.
Dugang nga Suporta alang sa Tanang mga Miyembro
Sa una, pipila ka mga miyembro ang nakadawat sa magasin sa pipila lamang ka higayon sa usa ka tuig, depende sa ilang pinulongan. Karon ang tulo ka pangtibuok kalibutan nga mga magasin sa Simbahan iprinta matag bulan o sa matag laing bulan sa pinulongan nga gipamulong sa mga 97 porsyento sa mga miyembro.
Dugang nga Digital nga mga Sulod
Aron sa pagtabang kaninyo nga makuha ang makapadasig nga sulod nga inyong gusto, kami mohatag niini kaninyo sa dugang nga mga paagi nga mas gusto ninyo. Pangitaa ang gipalambo nga digital nga mga kasinatian sa liahona.ChurchofJesusChrist.org, diha sa Gospel Living ug Gospel Library nga mga app, pinaagi sa email, o pinaagi sa ubang mga kapilian nga moabut pa.
Nakasentro sa Panimalay nga Pagkat-on sa Ebanghelyo
Matag bulan mopaambit kami og mga kasinatian, mga kalihokan, ug mga pagtulun-an aron sa pagtabang sa mga Santos sa Ulahing mga Adlaw nga makat-on sa ebanghelyo diha sa panimalay ug itudlo kini sa ilang mga anak ug mga minahal.
Tinuod nga mga Istorya gikan sa Tinuod nga mga Miyembro
Litrato sa babaye nga nagsulat gikan sa Getty Images; mga hulagway: ikaduhang laray gikan sa ibabaw (wala) ug ikatulong laray gikan sa ibabaw (tuo) gikan sa Getty Images
Samtang magbasa kamo sa mga kasinatian nga makapalig-on sa pagtuo nga gikan sa mga miyembro sa tibuok kalibutan, ang inyong kaugalingon nga pagtuo mapalig-on. Ug kamo mapahinumduman nga kita nahisakop sa usa ka butang nga mas labaw kay sa atong ward o branch. Ipaambit ang inyong kasinatian sa liahona.ChurchofJesusChrist.org o i-email namo sa liahona@ChurchofJesusChrist.org.
Mga Istorya ug mga Mensahe Duol sa Panimalay
Ang Liahona nagmantala og sobra sa 60 ka rehiyunal nga bersyon nga naglakip sa gisukip nga mga pahina nga piho ngadto sa lain-laing hiyograpikanhong mga dapit ug mga pinulongan. Kining lokal nga mga pahina makatabang kaninyo nga makonektar sa mga Santos, mga lider, ug sa mga isyu nga duol sa panimalay.