Dali, Sunod Kanako: Doktrina ug mga Pakigsaad
“Unsa ka labaw nga kamatuoran ang imong maangkon kay sa gikan sa Dios?”
(Enero 25–31)
Translation of the Book of Mormon [Hubad sa Basahon ni Mormon], ni Gary Ernest Smith; Imahe sa mapa gikan sa Getty Images
Kinsa ang nalambigit niini nga mga pagpadayag gikan sa Dios?
-
Joseph Smith
-
Oliver Cowdery. Siya nakakat-on mahitungod ni Joseph Smith ug sa bulawang mga palid ug mitanyag nga mahimong tigsulat samtang naghubad si Joseph sa Basahon ni Mormon.
Diin man kini nahitabo?
-
Kini nga mga pagpadayag nahitabo didto sa Harmony, Pennsylvania.
Kanus-a man kini nahitabo?
-
Kini nga mga pagpadayag gihatag niadtong 1829.
Sa unsang paagi nga kining mga pagpadayag magamit kanato karon?
Sa wala pa si Oliver nahimong tigsulat ni Joseph, nag-ampo siya aron masayud kon tinuod ba ang buhat ni Joseph. Sa dihang nag-ampo si Oliver, siya mibati og kalinaw ug kasiguroan.
Si Oliver aduna gihapon mga pangutana samtang nagtabang ni Joseph sa paghubad. Nangutana siya sa Dios pag-usab kon kini tinuod.
Ang Ginoo mipahinumdom ni Oliver nga siya nakadawat na og tubag sa iyang pag-ampo:
“Wala ba Ako magsulti og kalinaw nganha sa imong hunahuna mahitungod niini nga butang? Unsa ka labaw nga kamatuoran ang imong maangkon kay sa gikan sa Dios?” (Doktrina ug mga Pakigsaad 6:23).
Sama ni Oliver, kita kinahanglang mopadayon sa nangaging espirituhanong mga kasinatian ug tugoti kini nga molig-on kanato panahon sa kalisud.