Sa unsang paagi ang gipahiuli nga ebanghelyo mopanalangin kanato?

(Disyembre 28–Enero 3)

Diha sa Doktrina ug mga Pakigsaad 1, ang Ginoo mipahayag, “Kini nga mga sugo gikan kanako, ug gihatag ngadto sa akong mga sulugoon” (Doktrina ug mga Pakigsaad 1:24). Gipasabut Niya kon sa unsang paagi kini nga koleksyon sa mga pagpadayag, mga sugo, ug mga pagtulun-an mopanalangin sa Simbahan ug sa nag-unang mga miyembro niini. Ang Iyang mga pulong magamit gihapon karon.

Mga Panalangin alang sa mga Miyembro

Kadtong kinsa mangita og kaalam mahimong pagatudloan (tan-awa sa bersikulo 26).
Kadtong mga nakasala “mahimo nga pantunon, nga sila unta maghinulsol” (bersikulo 27).
Ang mapainubsanon mahimo nga malig-on, mapanalanginan sa kahitas-an, ug makadawat og kahibalo (tan-awa sa bersikulo 28).

Mga Panalangin alang sa Simbahan

Ang hugot nga pagtuo molambo sa yuta (tan-awa sa bersikulo 21).
Ang walay katapusan nga pakigsaad sa Ginoo mapahimutang (tan-awa sa bersikulo 22).
Ang kahingpitan sa ebanghelyo ipahayag pinaagi sa mahuyang ug yano (tan-awa sa bersikulo 23).
Gahum sa pagpahimutang sa katukuran sa Simbahan ug sa pagdala niini gikan sa kangiub ug kangitngit (tan-awa sa bersikulo 30).