E faapefea ona faamanuiaina o tatou olaga i le poto o le Alii?

1–7 Fepuari

Ina ua leiloloa ia Matini Harisi itulau e 116 o tusitusiga o le Tusi a Mamona, sa tau atu e le Alii ia Iosefa Samita, “Ia manatua e le o le galuega a le Atua e taofia, ae o le galuega a tagata” (Mataupu Faavae ma Feagaiga 3:3).

Vaai i le faasologa o taimi lenei e iloa ai pe na faapefea ona toe tauia e le Alii ia itulau sa Ia silafiaina o le a leiloloa.

600 T.L.M.—Talafaamaumau a Nifae

Na musuia e le Alii ia Nifae e tusi se talafaamaumau lona lua (o papatusi laiti a Nifae). Sa le’i malamalama o ia pe aisea, ae sa faatuatua ia Nifae sa “mo se faamoemoega poto” (1 Nifae 9:5).

400 T.A —Otootoga a Mamona

Na musuia e le Alii ia Mamona e faaaofia ai papatusi laiti a Nifae i lana otootoga o papatusi tetele a Nifae. E ui lava o papatusi uma e lua o loo aofia ai le tele o nei lava mea e tasi, ae sa faatuatua foi o ia sa “mo se faamoemoega poto” (Upu a Mamona 1:7).

1828–29—Faaaliga ia Iosefa Samita

Na tau atu e le Alii ia Iosefa e aua le toe faaliliuina itulau e 116 o loo misi ona “ua tuu e Satani i [loto o tagata amioleaga] e sui upu” e faaleaga ai le galuega a Iosefa (tagai Mataupu Faavae ma Feagaiga 10:10–13). O itulau o loo misi ma papatusi laiti na aofia ai le vaitaimi lava e tasi (600–130 T.L.M.)

2021—E Saunia e le Alii se Ala

E pei lava ona tauia e le Atua ia itulau ua leiloloa, ua Ia saunia ni auala i aso nei e faatoilalo ai taumafaiga a Satani e faavaivaia lo tatou faatuatua. O la tatou matafaioi o le ia “faamaoni ma faaauau pea” ina ia “le mafai e faitotoa o seoli ona manumalo e faasaga ia te i [tatou]” (Mataupu Faavae ma Feagaiga 10:3, 69).

O le Soifua Mai o Keriso

600 TLM

400 TA

1000

1800

2000

Ata na tusia e Bryan Beach