Sau, Mulimuli Mai ia te A’u
O le a le taua ia te oe o le talalelei a Iesu Keriso?
Mataupu Faavae ma Feagaiga 18–19
22–28 Fepuari
Sa i ai ia Matini Harisi se tasi o faatoaga aupito lelei i Palamaira, Niu Ioka. Ina ua oo i le taimi e lolomi ai le Tusi a Mamona, sa mafaufau Matini e mokesi lana faatoaga e totogi ai le lomitusi. Ae sa i ai se tulaga matautia na aafia ai.
O se Taimi o Faaiuga
Afai e fesoasoani Matini e lolomi le Tusi a Mamona ae le taulia lelei, o le a aveesea ai lana faatoaga. Sa i ai se filifiliga faigata e tatau ona fai e Matini.
O a ni mea e fesoasoani ia te oe i le faia o faaiuga taua? Pe aafia au faaiuga i le iloaina o le taua o le talalelei a Iesu Keriso ia te oe?
O se Osigataulaga Loto Malie
Na maua e Iosefa Samita se faaaliga e tau atu ia Matini e aua le manao i ana meatotino, ae ia foai saoloto atu mo le lolomiina o le Tusi a Mamona (tagai i le Mataupu Faavae ma Feagaiga 19:26).
O se osigataulaga lenei mea, ae sa faamanatu mai e le Alii ia Matini e leai se tasi na sili atu sana ositaulaga mo le fanau a le Atua nai lo o Ia (tagai Mataupu Faavae ma Feagaiga 19:18).
Aisea ua avea ai le ositaulaga ma se vaega o le talalelei a Iesu Keriso?
O se Galuega Faamamaluina
Na mokesi e Matini lana faatoaga, na faapea ona mafai ai ona lolomiina kopi muamua e 5,000 o le Tusi a Mamona. Na saunoa Peresitene Dallin H. Oaks, Fesoasoani Muamua o le Au Peresitene Sili, “O se tasi o saofaga aupito maoae a Matini Harisi i le Ekalesia, lea e tatau ona faamamaluina ai o ia i taimi uma, o lona faatupeina lea o le lolomiga o le Tusi a Mamona” (“The Witness: Martin Harris,” Ensign, May 1999, 36).
O le Faatoaga a Matini Harisi, saunia e Al Rounds
O Uluai Fua, saunia e Jeffrey Hein