Sau, Mulimuli Mai ia te A’u

O ai Tavita Uitimera?

15–21 Fepuari

Na filifilia e le Alii ni molimau se toatolu o e o le a vaai i papatusi auro o le Tusi a Mamona ina ia mafai ona latou “molimau i le moni o le tusi ma mea o i ai i totonu” (2 Nifae 27:12). O se tasi o nei molimau o Tavita Uitimera.

O se Lima Fesoasoani

Sa faalogo Tavita e uiga i papatusi auro ina ua ia asiasi atu ia Oliva Kaotui, o lē sa avea ma tusiupu a o faaliliuina e Iosefa Samita. Sa tusi mulimuli ane Oliva ia Tavita, ma fesili i ai pe mafai ona la nonofo ma Iosefa faatasi ma ia ma faauma le faaliliuga.

Na malaga atu Tavita i le 300 maila (483 km) i Penisilevania e aumai Iosefa ma Oliva i le fale o ona matua i Niu Ioka. Na faatupulaia le fiafia o Tavita a o ia vaai atu ia Iosefa o faaliliuina le Tusi a Mamona.

Avea o se Molimau i Taimi Uma

Faatasi ai ma Oliva Kaotui ma Matini Harisi, na faaali atu ai ia Tavita ia papatusi e se agelu ma faalogo i le siufofoga o le Atua ua poloaiina i latou e molimau atu i mea sa latou vaai i ai.

Ae paga lea, sa tuua e Tavita le Ekalesia i ni nai tausaga mulimuli ane ma sa lei toe foi mai lava, ae na te le’i faafitia lava lana molimau. Ina ua latalata ina i’u lona soifua, na tusi ai Tavita e faapea: “E lei i ai lava se taimi na ou teenaina ai lena molimau, po o soo se vaega o lena molimau, lea ua leva ona lolomiina faatasi ma [le Tusi a Mamona], i le avea ai o se tasi o molimau e toatolu. O i latou e silafiaina lelei a’u, ua iloa lelei lava sa ou tumau lava e le aunoa i lena molimau. Ma e leai se tagata e mafai ona taitaiseseina pe masalomia o’u manatu i le taimi nei e faatatau i lena lava mea, ou te toe faamautuina le moni o a’u faamatalaga uma, e pei ona sa faia ma lolomiina i lena taimi” (An Address to All Believers in Christ [1887], 8–9).

1829

Niu Ioka

Penisilevania

Feiete

Haramoni