O a ni mea e mafai ona tatou faia e mulimuli ai i le perofeta?

Mataupu Faavae ma Feagaiga 12–13 Iosefa Samita—Talafaasolopito 1:66–75

8–14 Fepuari

Sa talitonu Iosefa ma Polly Knight i le valaauga faaperofeta o Iosefa Samita mai lava i le amataga. Sa laua lagolagoina Iosefa a o ia faaliliuina papatusi auro, ma o laua o nisi na i ai faatasi ma tagata muamua na papatisoina.

Sa masani ona faaleagaina a laua meatotino, ma e toatele a laua uo na le toe i ai, ae na talitonu le au Knight i le talalelei ma tuuto atu o laua olaga e mulimuli i le perofeta ma le faatuina o le Ekalesia.

O se Faaaliga mo Iosefa Knight

I le 1829, na maua ai e Iosefa Samita se faaaliga i le ala e mafai ai e Iosefa Knight ona fesoasoani i le galuega a le Atua. Na faatonuina Iosefa Knight e “saili e aumai i luma ma faatu le faamoemoe o Siona” i le lotomaualalo, alofa, faatuatua, ma le le gaoia (tagai Mataupu Faavae ma Feagaiga 12:6–8). E faapefea ona fesoasoani nei uiga ia tatou mulimuli ai i le perofeta ma fesoasoani i le galuega a le Atua?

Tuuto o le Olaga Atoa

Sa lei mamulu lava le faatuatua o le au Knight i le talalelei ma sa tutu ma le mausali i tafatafa o Iosefa Samita. O o laua soifuaga sa o se molimau i le mea na laua iloa e moni. E uiga ia Iosefa Knight, na saunoa ai le Perofeta o Iosefa Samita: “Sa faamaoni ma sa’o o ia, e le faaituau ma o se faataitaiga lelei, ma e amio mama ma agalelei, e le femoumoua’i i le lima taumatau po o tauagavale Faauta, o ia o se tagata amiotonu” (History of the Church, 5:124).

Ata na tusia e Dan Burr; ata pue o le tulaga o le faatoaga a le aiga o Knight na saunia e Kenneth Mays