Mo Matua

E Tele Lou Taua

O Mai ina Matamata, saunia e Del Parson

Matua Pele,

E alofa le Atua ia i tatou ma faatauaina tele i tatou nai lo le mea e mafai ona tatou mafaufauina. O mekasini a le Ekalesia i lenei masina ua tuuina atu ai ni tusiga ma ni gaoioiga eseese e mafai ona fesoasoani ia te oe e aoao ai lau fanau e uiga i le salamo, papatisoga, o le toefuataiga o le perisitua, ma e taua tele foi o latou agaga ia te oe ma i lo latou Tama Faalelagi.

Talanoaga o le Talalelei

Faalogo ia te Ia ma Vaai i le Taua

Faaali atu le ata ma le upusii mai le Faaola o loo i le itulau e 2. Mafaufau faatasi o se aiga i faataitaiga mai tusitusiga paia ina ua silasila atu le Faaola i le taua o le agaga o se tagata e toatasi. I itulau e 32 ma le 36, e mafai ona e maua ai faataitaiga o aso nei e uiga i lagona o le Alii ia i latou o e o loo vaai atu i ai tagata lautele e faapea e le taua. Faasoa atu pe na faapefea ona fesoasoani le Faaola ia te oe ia iloa lou lava taua po o le taua o se isi tagata.

Faaali Atu i Isi E te Faatauaina i Latou

O se tasi o auala e fesoasoani ai i isi ia lagona le taua o le auauna atu ia i latou. Suesue i le tusiga a Brother Jan E. Newman i le itulau e 16, ma vaavaai mo ana valaaulia ia te oe. Ia talanoaina ma le agaga tatalo o se aiga po o ai tou te lagona le musuiaina e auauna atu i ai. Fai ni fuafuaga i le auala ma le taimi o le a e a’apa atu ai i le alofa i le tagata.

Pe a uma ona faitau e uiga i le faafalepuipuiina o loo i le itulau e 32, talanoa pe faapefea ona e faaaogaina manatu o loo i le tusiga e fesoasoani ai ia i latou o e faafalepuipuiina po o le a foi le auala e te ofoina atu ai le lagolago, alofa, ma le faauooga i o latou aiga.

O Le Saunia o Tamaiti mo le Papatisoga

E mafai ona e faaaogaina lenei lomiga e fesoasoani ai e saunia lau fanau mo o latou papatisoga. O le “Fesoasoani i Tamaiti ia Saunia mo le Papatisoga” i le itulau e 22 o loo tuuina atu ai ni manatu mo matua. E mafai ona e maua tali i fesili masani e uiga i le papatisoga i le “O Faavae o le Talalelei” i le itulau e 6. O le a e maua nisi manatu i le mekasini o le Uo o lenei masina.

Lagolago mo le Sau, Mulimuli Mai ia te A’u

Tagai i le itulau e 26 mo anomea lagolago mo au suesuega o le Sau, Mulimuli Mai ia te A’u i vaiaso taitasi.

Fiafiaga o Suesuega Faaleaiga

Lio o le Faatauaina

Mataupu Faavae ma Feagaiga 10–19

Na fautuaina e Oliva Kaotui ma Tavita Uitimera ina ia manatua “ua tele lava le taua o agaga i le silafaga a le Atua” (Mataupu Faavae ma Feagaiga 18:10). A o tatou fesoasoani atu i isi ia iloa lo latou lava taua, ua tatou faalatalata atili atu i latou ia Keriso a o tatou latalata atu atili foi ia te Ia.

1. Valaaulia tagata o le aiga e nonofo i se lio.

2. O le a tofu le tagata ma le avanoa e tu ai i ogatotonu o le li’o.

3. O tagata uma o loo nonofo i le lio, o le a tau atu i le tagata o loo i le ogatotonu, “E taua oe ia te au ona ___________,” ona faasoa atu lea o ni faamatalaga faapitoa o le mafuaaga e taua ai lena tagata ia i latou.

4. Ona filifili lea e le tagata o loo i le ogatotonu a latou lava faamatalaga o le taua faaletagata lava ia: “E taua a’u i le Atua ma a’u lava ona __________.”

Talanoaga: Aisea e taua ai le manatuaina o o tatou lava taua faapea foi ma le taua o i latou o siomia i tatou? Ana faapea e i ai Keriso i le lio, mata o le a Sana tuleiga e uiga ia i tatou? Faitau le Mataupu Faavae ma Feagaiga 18:10–13 ma talanoa i le mea na oo i ai Keriso ona o Lona faatauaina tele o i tatou.

Manatu na saofaga mai e Mitzi Schoneman

I le mekasini Mo le Malosi o le Autalavou i le Masina Lenei

Fesili ma Tali

Faasoa atu i lau tama talavou tali nei a le autalavou i le auala e maua ai ni mea se tele mai tusitusiga paia.

Fuaitau i luga o lea Fuaitau: Aua le Fefefe

O lenei vaega o loo a’oa’o atu ai le autalavou i le auala e suesue ai se mau mai le Sau, Mulimuli Mai ia te A’u . O le vaaiga o le a fesoasoani ia i latou e maua ai le lototele pe a faigata taimi.

Lesona Faatino o le Afiafi Faaleaiga

Faataitai o se aiga le lesona faatino lenei. O se gaoioiga malie e a’oa’o ai e uiga i le auala e mafai ai ona tatou maua se suiga o le loto.

O le Tala i Molimau

O lenei tala i le sitaili faaata komi o se auala maoae lea e fesoasoani ai i le au faitau laiti ifo e a’oa’o e uiga i Molimau e Toatolu o le Tusi a Mamona.

Uunaiga i Nofoaumi o le Paka ma le Aoao ia Iloa le Agaga

Pe o tauivi ea lau autalavou ina ia iloa le Agaga? I tala nei e lua, o loo faamatala ai e tagata le auala na latou aoaoina ai.

I le Uo o Lenei Masina

E faatatau Uma lava i le Papatisoga

O le Uo o le masina lenei o se lomiga faapitoa e taulai atu i le papatisoga. Saili ni tala, gaoioiga, ma ni manatu mo lesona e fesoasoani ai i lau tama e saunia ina ia papatisoina po o le manatua o feagaiga faapitoa na latou osia i le papatisoga.

Taimi Fiafia o Tusitusiga Paia

Saili ni gaoioiga faalevaiaso e fesoasoani ai i tou suesuega faaleaiga, o le Sau, Mulimuli Mai ia te A’u, e aofia ai se vaega e i ai manatu faapitoa mo tamaiti laiti.

Tala i Tusitusiga Paia mo le Au Faitau Laiti

Faitau i lau fanau le tala i le auala na toefuatai mai ai le Perisitua Arona e Ioane le Papatiso.

Lima Fesoasoani faataamilo i le Lalolagi

Faitau pe o faapefea e Raiarii mai Tahiti ona mulimuli ia Iesu, ma fesoasoani i lau fanau e fai le lui o le masina lenei.

Mauaina o se Molimau

O le tala “Mauaina o le Molimau a Sapurina” e mafai ona fesoasoani i lau fanau ia iloa e tele atu o latou molimau nai lo mea latou te iloa.