Haʻu, ʻo Muimui ʻIate Au
Te tau lava fēfē ʻo hangē ko ʻEtuate Pātilisí?
Tokāteline mo e Ngaahi Fuakava 41–44
19–25 ʻEpeleli
Naʻe hoko ʻa ʻEtuate Pātilisi ko e fuofua pīsope ʻo e Siasi ʻo Sīsū Kalaisi kuo fakafoki maí. Tuʻunga ʻi heʻene fakamoʻoni mālohí, naʻá ne vēkeveke ai ke feilaulauʻi ʻa e meʻa kotoa pē naʻá ne maʻú pea kātekina ʻa e faingataʻá, he naʻá ne ʻiloʻi ʻa e moʻoni ʻo e Siasí.
Naʻe fēfē hono ʻulungāngá?
Naʻe folofola ʻe he ʻEikí ko ʻEtuaté “ʻoku maʻa hono lotó ʻi hoku ʻaó, he ʻokú ne tatau mo Nātaniela ʻo e kuonga muʻá, ʻa ia ʻoku ʻikai ke ʻiate ia ha kākā” (Tokāteline mo e Ngaahi Fuakava 41:11). ʻOku ʻuhinga ʻeni naʻe ʻikai ha loto ʻo ʻEtuate ke ne kākaaʻi ha taha; naʻá ne loto-maʻa Ko e hā ʻoku mahuʻinga ai ke maʻu ʻe he kau taki ʻo e Siasí ʻa e ʻulungaanga ko ʻení?
Ko e hā ʻa e ngaahi feilaulau naʻá ne faí?
ʻI he taimi naʻe kau ai ʻa ʻEtuate ki he Siasí, naʻe fakasītuʻaʻi ia ʻe he fāmili ʻo ʻene tamaí. ʻI heʻene hoko ko e pīsopé, naʻá ne tokangaʻi ʻa e koloa ʻa e Siasí kuo fakatāpuí. Naʻá ne feilaulauʻi foki ʻa ʻene koloá (vakai, Tokāteline mo e Ngaahi Fuakava 41:9) mo kātekina ʻa e masiva ʻangoʻangó mo hono fāmilí. Naʻe vali ʻaki ia ʻa e valitā mo e fulufuluʻi moa, fakatangaʻi, pea tuku pilīsone koeʻuhí ko ʻene tuí. Neongo naʻe angatuʻu ha kau taki ʻe niʻihi ʻo e Siasí, ka naʻá ne kei tui faivelenga pē. Naʻá ne ngāue mateaki maʻá e ʻEikí ʻo aʻu ki heʻene mate ʻi hono taʻu 46 (vakai, Tokāteline mo e Ngaahi Fuakava 124:19).
“Talu ʻeku toʻo hoku lotó mei he ngaahi koloa ʻo e māmaní; mei he ngaahi muna mo e meʻanoa ʻo taimí, kae vilitaki ke ʻofa mo tauhi ki he ʻOtuá ʻaki hoku lotó kotoa, pea tuku ke tataki au ʻe hono Laumālie Māʻoniʻoní, kuo mafao atu ai hoku ʻatamaí—ke maʻu ʻa e ngaahi meʻa ʻo e ʻOtuá, kae ʻoua kuó u aʻusia ʻa e ngaahi nāunau ʻoku ʻikai faʻa mafakamatalaʻí.”1
Fealēleaʻakí
Ko e hā naʻe lava ai ʻe ʻEtuate Pātilisi ke kātekina ʻa e fuʻu faingataʻa lahi pehē? ʻE tokoni fēfē ʻene sīpingá ke tau tauhi ai ki he ʻEikí?