Niu Sistem blong Ol Tempol Rekomen

Stat long 25 Oktoba 2021, ol lida long samfala stek we oli jusum, bambae oli givimaot ol tempol rekomen—be i no ol rekomen blong ol odinens blong wan we i laef i stap—tru long tul ia Ol Risos blong Lida mo Klak (RLK) blong oli printimaot ol rekomen. Ol prishud lida oli save aplae blong gat wan dijitol signeja blong yusum wetem ol rekomen ia, o oli save saenem rekomen we oli stap givimaot.

Blong yusum ol dijitol signeja, i fasin we i moa sef blong givimaot ol tempol rekomen, mo long weaples we i posibol, oli sapos blong yusum ol dijitol signeja. Ol lida blong Jos oli wantem luk se bifo 13 Disemba 2021, bambae evri yunit blong Jos oli mas yusum RLK.

Antap long hemia, disaen blong rekomen blong ol memba we oli no endao yet, we bae oli yusum blong tekpat long ol proksi baptaes mo konfemesen, oli jenisim finis. Bambae oli nomo yusum toktok ia, “limit yus tempol rekomen.”

Ol memba we oli holem wan rekomen wetem olfala stael, oli save gohed blong yusum rekomen ia kasem taem we rekomen ia i nomo laef.