2021
Jos I Givim Help mo Givhan
Novemba 2021

Jos I Givim Help mo Givhan

Long ol taem blong disasta, mo eni taem long wol we i gat nid blong help, Jos i gohed blong mekem evri samting we hem i save mekem blong givim help mo givhan, plante taem i patna wetem ol nara jareti oganaesesen mo ol ejensi we oli no blong gavman. Long ol las sikis manis, Ol Lata-dei Sent Jareti, we i yumaniterian han blong Jos, i bin givim sapot blong save:

  • Mekem se wan oganaesesen we i no mekem profit i instolem ol paep wota insaed long ol hom long sam eria we oli stap longwe insaed long Navajo Nation long Niu Meksiko, Arisona, mo Yuta, YSA.

  • Serem samples 2 bilian KOVID 19 stik meresin i go long ol populesen we i gat hae risk long 121 kantri mo teritri.

  • Givim ol help saplae long ol rifuji blong Itiopia we oli bin stap laef long Sudan, mo long ol vilej long Sudan we wota i prapa spolem olgeta. Sapotem mo helpem ol fama blong stat bakegen afta we bigfala wota i bin kam, mo blong oli lukaotem kaekae blong olgetawan mo ol narawan, mo helpem ol famli blong oli save indipenden moa taem oli stanemap ol bisnis blong olgetawan nomo.

  • Helpem 9,000 rifuji mo imigran tru long 190 jareti oganaesesen long Yunaeted Stet, we oli givim ol smol mane, mo totol i kasem 5 milian dola.

  • Gohed long trening mo givim ol kompiuta blong olgeta we oli blaen mo olgeta we oli no save luk samting i gud, long Franis Polinesia.

  • Kodinetem ol wok wetem ol nara oganaesesen blong ol nara relijin, mo wetem ol komuniti blong helpem ol imigran famli long wan transfea senta long Yuston, Teksas, YSA.

  • Mekem wok blong 20 wol sik help projek long Paragwe.

  • Tekem help i go long Haiti afta long wan etkwek we i prapa spolem olgeta, mo oli bin yusum ol bilding blong Jos blong stap olsem ol selta, mo Jos i givim kaekae, wota, mo ol nara saplae.

  • Lukluk long ol bigfala impoten nid blong ol rifuji blong Afghan we oli stap laef long Kwata, Yurop, mo long Yunaeted Stet.

Jos i bin givim help tu long ol aelan blong Karabian blong Sent Vinsen, mo Ol Grenadin, hemia long taem we volkeno i bin stap faerap long eria ia; oli oganaesem ol volontia blong help blong klinap mo kam gud afta we wan hariken i spolem Golf Kos, mo Lusiana, YSA; mo givim help taem wota we i ron i spolem samfala pat blong Jemani, Beljiom, ol Nedalan, Luksambeg, mo Switselan.