Ol Niu Eria Seventi we Oli Sastenem Olgeta

Tufala niu Eria Seventi, wan afta wan, oli bin sastenem tufala long taem blong wan lidasip trening miting we oli bin holem olsem pat blong jeneral konfrens. Afta, oli bin sastenem evri Eria Seventi, olsem wan grup, long taem blong Satedei aftenun sesen blong jeneral konfrens.

Elda Charden Ndinga, 41, blong Pointe-Noire, Ripablik blong Kongo, bae i givim seves insaed long Nambatri Kworom blong Olgeta Seventi (Sentrol Afrika, Ol Eria long Saot, mo Wes). Elda Pedro E. Hernández, 51, blong Punto Fijo, Venesuela, bae i givim seves long Nambanaen Kworom blong Olgeta Seventi (Saot Amerika Ol Eria long Not Wes mo Saot).

I gat plante moa rilis blong Ol Eria Seventi we oli bin anaonsem long Julae. Olgeta Eria Seventi oli “ol spesel witnes” blong Jisas Kraes we oli stap long ol eria we oli stap laef long hem (luk long Doktrin mo Ol Kavenan 27:12). Oli wok anda long daereksen blong Presidensi blong Olgeta Seventi.

Lidasip miting ia, i gat kolosap 300 Jeneral Atoriti, Jeneral Ofisa, mo Eria Seventi we oli atendem long fes tu fes, o onlaen.