Moa Seves Misinari Janis

Naoia i gat moa seves misin janis we oli open i stap naoia blong ol senia memba blong Jos eni ples raon long wol. Bifo i kam, ol senia seves misin wok, oli bin stap nomo long Yunaeted Stet, Kanada, mo wan limit namba blong ol nara eria. Ol seves misinari oli stap long hom mo givim seves blong 8 kasem 40 aoa long wan wik, blong sikis manis o moa. Lokol stek presiden blong olgeta i gohed blong stap olsem eklesiastik lida blong olgeta.

Oli stap leftemap tingting yet blong ol senia blong givim seves long wan fultaem misin longwe long hom sapos situesen blong olgeta i letem olgeta.

Olgeta we oli intres blong givim seves olsem wan senia misinari, o olsem wan senia seves misinari, oli save aplae long SeniorMissionary.ChurchofJesusChrist.org (we i stap long Inglis, Franis, Spanis mo Potugis).