Ol Tempol Oli Open Bakegen: Lukaotgud, Tekem Gud Kea

Ol tempol oli stap open bakegen be long wan fasin we man i lukaotgud, i tekem gud kea, mo i folem faef defren step, folem ol lokol situesen mo folem ol rul blong gavman long saed blong KOVID 19 wol sik ia. Ol defren step ia, oli daonem denja, i folem namba blong ol pipol we oli wantem go long tempol, mo folem hamas pipol tempol i save tekem, mo i folem ol rul blong helt insaed long distrik we tempol i stap long hem.

Long Septemba 2021, Fas Presidensi i putumaot wan leta we i givim instraksen long evri petron mo wokman blong tempol blong oli mas werem mask oltaem, hemia taem oli stap insaed long tempol. “Ol fasin ia blong folem blong stap sef i blong sot taem nomo, folem ol situesen blong KOVID-19, mo bae oli karemaot ol rul ia stret long ol taem we ol situesen i letem,” leta ia i talem. “Plis mekem evri samting yu save mekem blong protektem yuwan mo ol narawan blong mekem se wok blong Lod i save muv fored long tugeta saed blong vel.”

Fas Presidensi i askem strong blong ol memba blong Jos oli kasem stik meresin hariap, mo protektem olgetawan mo ol narawan long sik ia we i stap go olbaot.