iVakarau Vou ni Soli ni iVolatara ni Valetabu

Me tekivu ena 25 ni Okotova, 2021, era na solia na iliuliu ena vei iteki digitaki na ivolatara ni valetabu—vakavo ga na ivolatara ni cakacaka vakalotu ni bula—ena nodra vakayagataka na iVurevure ni iLiuliu kei na Vunivola (VLR) me tabaki kina na ivolatara. Sa rawa ni ra na saini vakalivaliva ki na ivolatara oqo o ira na iliuliu ni matabete, se me ra sainitaka na ivolatara me vaka ga na kena ivakarau ka vakayacori tiko ena gauna oqo.

Na vakayagataki ni saini vakalivaliva sa ikoya na ivakarau taqomaki ni kena soli na ivolatara ni valetabu, kei na vanua e rawa kina, me vakayagataki na saini vakalivaliva. Era namaka tiko na iliuliu ni Lotu ni da qai yacova yani na ika 13 ni Tiseba, 2021, era sa na vakayagataka taucoko na iwasewase ni Lotu na VLR.

Me kena ikuri, sa vakavoui na ituvatuva ni ivolatara era vakayagataka na lewenilotu era sa bera ni vaka edaumeni me ra vakaitavi ena papitaiso kei na veivakadeitaki vakaveisosomitaki. Na “ivolatara yalani ni valetabu” sa na sega tale ni vakayagataki.

O ira na lewenilotu ka a soli vei ira na mataqali ivolatara makawa e rawa ni ra vakayagataka tikoga me yacova ni sa oti na gauna ni kena vakayagataki.