Dolavi Tale ni Valetabu: Qarauna, Qaqarauni

Na valetabu era sa dolavi tale ena dua na sala qarauni, ena lima na ituvatuva ka yavutaki ena ituvaki ni bula kei na vakatatabu vakamatanitu ka semati ki na matedewa na COVID-19. Na ituvatuva oqo ena vakalailaitaka na ririko, ka na sotava na gagadre kei na levu ni tamata era na vakacurumi rawa ki na valetabu, ka na rokova na vakatatabu ni tiko bulabula ena vanua e tiko kina na valetabu.

Ena Sepiteba ni 2021, e ratou a solia kina na Mataveiliutaki Taumada e dua na ivola veidusimaki vei ira kece na petereni kei na liganicakacaka ni valetabu me ra dau daramaka tiko na iubi ni ucu kei na gusu ni ra tiko e valetabu. “Era sega ni dei na ivakarau ni tataqomaki oqo, ka yavutaki ena ituvaki ni COVID-19, ka na vakagalalataki ena gauna ga e sa veiganiti kaya,” e a vakaraitaki mai ena ivola dusimaki. “Yalovinaka taqomaki iko vakataucoko kei ira tale eso me rawa kina ni toso ki liu na cakacaka ni Turaga ena yasa ruarua ni ilati.”

E ratou sa vakauqeti ira talega na lewe ni Lotu na Mataveiliutaki Taumada me ra culaitatarovi ka taqomaki ira kei ira tale eso mai na tete ni mate.