Welcome Niini nga Isyu

Mga sinugdanan ug ang Daang Tugon

Mao kini ang sinugdanan sa bag-ong tuig, nga ingon og usa ka espisyal nga katukma sa panahon nga maghunahuna mahitungod sa mga sinugdanan.

Niining tuiga, ang Daang Tugon ug Perlas nga Labing Bililhon modala kanato sa usa ka paglibot sa pipila sa labing mahinungdanon ug talagsaon nga sinugdanan nga nailhan sa katawhan.

Mas makaila pa kita ni Jesukristo, kinsa uban sa Amahan “sa sinugdanan” (Abraham 4:1). Atong mabasa ang mahitungod sa Paglalang sa kalibotan ug sa sinugdanan sa mortal nga kinabuhi. Atong makat-onan mahitungod sa mga sinugdanan sa paghinulsol, mga pamilya, mga sugo, ug pagsimba sa templo dinhi sa yuta. Makatuon kita sa sinugdanan sa sagradong mga pakigsaad nga nagpadayon sa paghulma sa atong kinabuhi karon.

Ug kon dili pa kita ganahan sa Daang Tugon, karon ang timailhan sa pagsugod sa bag-ong panahon sa pagtuon ug pagsuhi. Sa pahina 12, akong ikapaambit ang pipila sa mga kamatuoran nga nakatabang kanako nga mas mahinamon mahitungod niining basahon sa kasulatan ug motan-aw sa mga pagtulun-an niini uban sa bag-o nga kadasig ug katuyoan. Sa pahina 42, si Presidente Mark L. Pace, ang Kinatibuk-ang Presidente sa Sunday School, miila sa gamhanang mga panalangin nga kita makadawat kon kita andam sa pagbasa sa “mahunahunaon ug mainampoon nga paagi.”

Labaw sa tanan, atong hinumdoman nga ang usa ka tibuok kinabuhi sa bag-ong mga sinugdanan posible tungod ni Jesukristo. Sa artikulo ni Elder Quentin L. Cook sa pahina 6, siya mipamatuod nga “ang tanan wala gayod mawala” tungod kay ang atong Manluluwas naghulat kanato uban sa bukas nga mga bukton. Pinaagi sa Iyang grasya, kita makahimo sa pagpadayon sa espirituhanong panaw nga nagsugod sa atong karaang katigulangan sa daghan na kaayong katuigan nga nanglabay.

Manghinaot ko nga karong tuiga puno kini sa maanindot nga sinugdanan alang sa matag usa kanato!

Marissa Widdison

Kaabag sa Tigdumalang Editor, Gospel Living nga app

view of the earth from space — “Ako mao ang Sinugdanan ug ang Katap[o]san, ang Makagagahom nga Dios; pinaagi sa akong Bugtong Anak Ako milalang niini nga mga butang; oo, sa sinugdanan Ako milalang sa langit, ug sa yuta diin ikaw nagtindog.”