Dali, Sunod Kanako
Kinsa Si Enoch?
Mga paghulagway pinaagi ni Denis Freitas
Kini nga family tree nagpakita sa duha ka lalaki nga ginganlan og Enoch diha sa linya ni Adan ug Eva. Ang anak nga lalaki ni Cain nga si Enoch, ang apo ni Adan (tan-awa sa Moises 5), lahi gikan sa anak nga lalaki ni Jared nga si Enoch, kinsa unom ka henerasyon gikan ni Adan ug mitukod sa siyudad sa Zion (tan-awa sa Moises 6–7).
Sa unsang paagi misanong si propeta Enoch sa iyang tawag?
Sa dihang si Enoch gitawag sa pagsangyaw og paghinulsol, mibati siya og kakulang, nagpahayag ngadto sa Ginoo nga siya “dili maayo nga mosulti” (Moises 6:31). Apan ang Dios mihatag ni Enoch og gahom ug misaad, “Bukha ang imong ba-ba, ug kini mapuno, ug Ako mohatag kanimo og igsusulti” (Moises 6:32). Daghan ang mituo sa iyang mga pulong, ug si Enoch miestablisar sa siyudad sa Zion.
Naghinumdom sa ehemplo ni Enoch, si Elder David A. Bednar mipaniguro kanato nga mibati nga nabug-atan, dili kaparang, o dili sarang sa usa ka bag-ong calling o responsibilidad nga “ang saad sa Ginoo ngadto ni Enoch magamit gihapon … karon” (“Diha sa Kusog sa Ginoo,” kinatibuk-ang komperensiya, Okt. 2004).