Alang sa mga Ginikanan

Ang Plano sa Dios Alang Kaninyo

a family playing on the beach

Minahal nga mga Ginikanan,

Samtang magtuon kita sa mga imahe, mga simbolo, ug mga pagtulun-an sa Daang Tugon, mas makasabot kita sa plano sa Langitnong Amahan alang kanato ug sa tahas ni Jesukristo niana nga plano.

Ang mga artikulo sa isyu karong bulana makahatag kaninyo og mga ideya alang sa pagtudlo sa mga bata gikan sa Daang Tugon ug mahitungod sa plano sa Dios alang kanato.

Mga Panaghisgotan sa Ebanghelyo

Ang Langitnong Amahan Adunay Balaanon nga Plano alang sa Iyang mga Anak

Nganong importante nga makasabot sa plano sa Dios sa kaluwasan? Gamita ang “Mga Sukaranan sa Ebanghelyo” sa pahina 10 aron sa pagtudlo sa inyong mga anak sa kaimportante sa Pagkapukan ni Adan ug Eva. Magkauban, makahimo kamo og lista sa mga panalangin ug mga oportunidad nga anaa kita niining kinabuhia tungod kay kita mianhi sa yuta.

Human mabasa ang artikulo ni Elder Quentin L. Cook sa pahina 6, hisgoti isip usa ka pamilya ang mga panalangin nga miabot sa inyong kinabuhi gumikan sa pagkahibalo nga ang Dios adunay plano sa pagluwas sa Iyang mga anak.

Pagtudlo sa mga Bata gikan sa mga Kasulatan

Tan-awa sa pahina 38 alang sa mga ideya sa pagtabang sa mga bata nga maapil diha sa mga kasulatan. Palamboa ang inyong pagtuon sa Daang Tugon pinaagi sa pagbasa sa mga artikulo sa mga pahina 12 ug 42. Unsay inyong nakat-onan nga makatabang kaninyo nga makasabot sa Daang Tugon? Mainampoong mohisgot uban sa inyong pamilya kon unsa nga mga tumong nga aduna kamo alang sa inyong pagtuon sa Dali, Sunod Kanako niining tuiga.

Mga Panabot sa Dali, Sunod Kanako

Tan-awa sa pahina 46 alang sa usa ka gihulagway nga pagpasabot sa Paglalang ug ubang materyal aron sa pagsuporta sa inyong sinemana nga pagtuon sa Dali, Sunod Kanako.

Kalingawan sa Pamilya sa Dali, Sunod Kanako

Mga Tinugyanan ibabaw sa Yuta

Ang Moises 2:28 nagpasabot nga ang katawhan gihatagan og pagmando ibabaw sa tanang buhi nga butang. Si Presidente Russell M. Nelson miingon, “Kinahanglan nga atimanon nato ang yuta, magmaalamon nga mga tinugyanan niini, ug mopatunhay niini alang sa umaabot nga mga henerasyon” (“The Creation,” Liahona, Hulyo 2000, 104).

1. Paglakaw-lakaw og kadiyot libot sa dapit diin kamo nagpuyo o motan-aw sa mga litrato ug mga video sa matahom nga mga talan-awon.

2. Itudlo ang lain-laing mga bahin sa kalikopan nga nabantayan ninyo. Kini tingali mao ang mga tanom, mga hayop, o mga porma sa yuta.

3. Timan-i ang matag buhi nga butang ug paghisgot og piho nga mga paagi nga kita makaatiman niini ug sa kalikopan palibot niini.

Panaghisgotan: Sa unsang mga paagi ang Langitnong Amahan ug si Jesukristo nag-atiman kanato? Unsaon nato sa pagsunod sa mga ehemplo Nila samtang atong atimanon ang buhi nga mga butang sa atong palibot? Sa unsang mga paagi nga ang atong mga lihok makapakita og pasalamat alang sa mga binuhat sa Dios?

Gisumiter ni Mitzi Schoneman

Mga Aksiyon-aksiyon nga Dula [Charades] sa Paglalang

Doktrina ug mga Pakigsaad 122:5–9

Si Presidente Russell M. Nelson mitudlo: “Sama sa pagkatalagsaon niini, ang planetang Yuta usa ka bahin sa butang nga mas talagsaon pa—kana ang talagsaong plano sa Dios. Sa ato pa, ang yuta gilalang aron mahimo ang mga pamilya”(“The Creation,” Liahona, Hulyo 2000, 104).

1. Tun-i ang mga adlaw sa Paglalang uban sa inyong pamilya (makita sa Genesis 1–2; Moises 2–3; o Abraham 4–5). Tan-awa “Ang Paglalang” gikan niini nga isyu alang sa usa ka minubo [summary].

2. Ang matag tawo adunay turno sa pag-aksiyon sa usa ka adlaw o bahin sa Paglalang.

3. Ang nahibilin nga mga sakop sa pamilya motagna sa adlaw o sa bahin sa Paglalang nga gipili.

Panaghisgotan: Sundi pinaagi sa pagbasa og dungan sa Abraham 3:22–27. Sa unsang paagi nga ang pagkahibalo sa katuyoan sa Dios sa paglalang sa yuta makaapekto sa atong inadlaw-adlaw nga mga kinabuhi? Unsaon nato nga mas maayong makapakita og pagpasalamat alang sa mga binuhat sa Dios?

Gisumiter ni Brenda Slade

Gikan sa Alang sa Kalig-on sa mga Kabatan-onan nga Magasin

“Pagpangita ni Jesukristo diha sa Daang Tugon”

Paggahin og panahon sa pagkat-on kon asa ninyo makit-an si Jesukristo samtang magbasa kamo sa Daang Tugon niining tuiga.

Pagpabilin nga Konektado

Gamita kini nga artikulo sa paghunahuna og pipila ka paagi nga inyong magamit ang teknolohiya aron maglingaw-lingaw uban ang mga higala ug pamilya kinsa nagpuyo sa layo.

“Salig sa Ginoo”

Uban sa bag-ong tuig moabot ang usa ka bag-o nga tema sa kabatan-onan. Basaha kon sa unsang paagi ang mga sakop sa Kinatibuk-ang mga Kapangulohan sa Young Men ug Young Women “misalig sa Ginoo.”

Tabang sa Pagtuon sa Dali, Sunod Kanako

Nakahunahuna ba kamo kon ang Dios nakaila ba kaninyo? Basaha ang istorya ni Moises aron mas makasabot sa gugma sa Dios alang sa tagsa-tagsa kaninyo.

Gikan sa Higala nga Magasin

Jesus with children

Dali, Sunod Kanako alang sa mga Bata

Pangita og dugang nga mga tabang sa pagtuon alang sa inyong pamilya nga anaa tanan sa usa ka dapit diha sa atong bag-o nga seksiyon sa Dali, Sunod Kanako! Gamita ang mga ideya sa sinemana nga home evening, usa ka gihulagway nga istorya sa kasulatan, ug dugang pa aron sa pagtabang sa inyong anak nga makakat-on mahitungod sa Daang Tugon.

Mga Ideya alang sa Kabataan ug Kabatan-onan

Tabangi ang inyong anak nga maghimo og bag-o nga tumong gamit ang “Unsay anaa sa Imong Hunahuna?” nga kalihokan diha sa Alang sa Mas Magulang nga mga Bata nga seksiyon.

Matinabangong mga Kamot [Helping Hands] sa Japan

Himamata ang usa ka bag-ong higala kinsa nagtabang sa uban sama sa gibuhat ni Jesus. Mobiyahe usab uban ni Margo ug Paolo aron magkat-on pa og dugang mahitungod sa kinabuhi sa Japan!

Bata nga mga Pioneer

Pagbasa og istorya kada bulan mahitungod sa usa ka bata gikan sa tibuok kalibutan kinsa usa ka pioneer! Niini nga bulan, susiha kon sa unsang paagi si Dinis nga taga Portugal nakakaplag og tubag sa dihang naghunahuna siya kon ang Simbahan tinuod ba gayod.

Si Jesus Miingon

Tudloi ang inyong anak sa mga pulong ni Jesukristo gamit ang atong labing bag-o nga pahina diha sa seksiyon sa Alang sa Gagmay nga mga Higala.